الإثنين، 01 فبراير 2021 - 11:44 م

قال محمد الحنبولي أحد ضحايا مستريح محافظة المنيا، إنه يقطن بمركز مغاغة، وأعطى مستريح المنيا 100 ألف جنيه، بسبب ترويج الشيخ حمدي وهو شخص ملتحي أحد أعضاء اللجنة العرفية لما رآه عند الشيخ حسين.

أضاف في مداخلة هاتفية مع الإعلامية لميس الحديدي مقدمة برنامج "كلمة أخيرة" الذي يعرض على قناة "ON"، مساء اليوم الاثنين: «بعد اللي قاله وإنه ارتاح قلبه عند حسين، الناس بقت تبيع بيوتها عشان تبعت له فلوس، دقنه هي السبب، حمدي مش بتاع ربنا، أنا ماضي ومراتي على إيصالات في البنوك ومش عارفين نسد دلوقتي، وبيوتنا هتخرب، وادينا الفلوس دي لمحمد عبدالله شريكه، ولما اتكلم قال معرفش حاجة عن مصانعه، وكله بيلبس في بعضه».

 
تابع: «ازاي الشيخ حمدي بيحل وهو من أطراف الموضوع، والإيصالات اللي مع الناس كلها مضروبة، والناس كلها خايفة تروح تبلغ عشان محدش شافهم بيمضوا، كلنا بيوتنا تدمرت وهنتحبس بسبب دقن الشيخ حمدي، ونطالب الحكومة بحلق دقن الشيخ حمدي».

أردف: «وعدونا بأنهم يدونا 15 ألف جنيهاً في الشهر عن كل 100 ألف جنيه، ومأخدتش إلا شهر واحد»، لترد عليه الإعلامية لميس الحديدي مستنكرة حديثه: «يعني 180% في السنة؟! ده ولا المخدرات».
وواصل: «البلد عندنا حصل فيها مشاكل كبيرة وناس اتعورت وبيوت خربت وبيوت لسه هتخرب».
يذكر أن برنامج "كلمة أخيرة" تقديم الإعلامية لميس الحديدي ويذاع من السبت إلى الثلاثاء في تمام التاسعة على شاشة "ON".