الأربعاء، 03 فبراير 2021 - 12:01 ص

وجهت الإعلامية ريهام سعيد، نصائحها للسيدات المتزوجات، قائلة: «زمان وأنا صغيرة كنت أقول اللي مش مرتاحة مع زوجها لازم تتطلق.. واللي مش عايشة ملكة لازم تتطلق، لكن دلوقتي وجهة نظري تغيرت».

وأضافت ريهام سعيد، خلال برنامجها «صبايا الخير»، المذاع على شاشة «النهار»، أنها تعرضت للطلاق في العشرين من عمرها، مؤكدة أنه من المؤلم أن تعيش المرأة حياتها بدون تفاهم من زوجها، ولكن الأكيد أن هناك طرق أخرى خلاف الطلاق.

وتابعت: "عارفة بعد كلامي الدنيا هتتقلب عليا.. بس بعد ما كبرت بدأت أغير كل الكلام اللي كنت بقوله.. وبقول للزوجات أوعي تطلقي ولا تمشي ورا اللي بيقول كرامتك وشكلك ومش عارف إيه.. وخصوصًا في وجود أطفال.. فيجب الوصول لحلول مرضية لكافة الأطراف".

وواصلت ريهام سعيد: "أقول للزوجات لا توافقي على الشتائم والضرب.. لكن سامحي.. سامحي عشان ولادك.. ودي تحتها 700 ألف خط.. تربية الأولاد بين آبائهم ستكون مختلفة.. لما الأولاد يعيشوا مع أبائهم فالأمر لا يقدر بثمن".