الأربعاء، 03 فبراير 2021 - 06:50 م

بقلم/ عصام حسني

شكر واجب،،

للى ربتلي العيال

أم الحبايب

ربنا بعتهالي نجدة

وجاتلى زي ما كنت حابب

للى قفشتني برسايل ع الماسنچر

اتمنيت أطير ساعتها

زي ماهر من مازنچر

بس ما باليد حيلة..

ف ابتدت حرب الكواكب

سين وصاد وجيم ودال

حاسبي صوتك والعيال

إنتي إيه ماسكة ف حرامي!!

سيبيني أجاوبك ع السؤال

دي بنت خالة صاحبة

أخت بنت عم صاحبى رامي

حتى راجعي كلامنا كله

كلُّه كان ف سياق درامي

طلعت أجمد مني.. عملت صدقتني

حسستني إني أستاذ ف الحوار

طلعتنى لفوق شوية

وفجأة داست ع الزرار

       انفجاااار

خلي إبليس نفسه يهرب

قال مش إنت ماشيلى شرعا

يبقى سمي الله وحاسب