الخميس، 04 فبراير 2021 - 11:16 ص

تصدرت الإعلامية سالي عبدالسلام، أبرز محركات بحث جوجل مصر، صباح اليوم الخميس، وذلك بعد حلقة روت فيها "قصتها" وإلغاء زفافها الذي كان من المفترض إقامته هذا الشهر.

جاء ذلك في البرنامج الذي تقدمه عبدالسلام على الفضائية المصرية، حيث قالت: "زمان عدت علي جملة مكنتش فهماها أوي بتقلك إن لما حد يحكيلك همه كأنه ادالك حتة من جسمه بس بعد ما اشتغلت بقصة حقيقية بقى عندنا قصص كتير حقيقية.. وعرفت أكثر معنى الجملة دي.."

وتابعت قائلة: "احنا عملنا البرنامج هذا لنجبر بخاطركم ولكن لم أكن أعرف أو أتخيل أن رسايلكم وتعليقاتكم هي اللي حتجبر بخاطري وخاطر كل فريق العمل لأننا كلنا شبه بعض.. شكرا لكم، يمكن ناس كتير متعرفش أنا جيت في معظم الحلقات الي احنا صورناها أنا كنت باجي معيطة مش مكسوفة أن أقول إني كنت معيطة أهلي دائما بيستنوا مني أن ابقى قوية وعادي ومهيمكيش وكبري وأيه اللي حصل، اللي حصل أن المرة دي منيت نفسي أوي.."

وأضافت: "أنا مش حقول إن اختياراتي غلط أنا ما بختارش أنا ممكن ألاقيني داخلة في قصة وأنا مخترتش.. بختار أنه يبقى شخص مناسب زي ما المجتمع بيقول.. يبقى شخص ينفع.. بختار السكينة والمودة والرحمة.. مش زي ما الناس أغلبيتها بيقولوا دي بتتنك دي مش عاجبها العجب، اه كنت باجي التصوير كتير جدا معيطة وبالذات الشهر ده.. عشان كنت منية نفسي إني حكتب كتابي وكنت حتجوز.. بس الموضوع ما مشيش يعني لأن أغلب اللي بنعرفهم مبقوش قد المسؤولية ومبقوش رجالة مبقوش يستاهلوا.."