الأربعاء، 10 فبراير 2021 - 06:01 م

فى لقطة رومانسية غازلت ناريمان، زوجة المطرب رامى جمال، زوجها من خلال نشر صورة تجمعهما على موقع تبادل الصور والفيديوهات "إنستجرام" وهى تحضنه من الخلف وكتبت عليها.

"البوست دا مش بوست بتاع حب وكلام من دا البوست دا شكر للإنسان اللى ربنا عوضني به عن كل يوم وحش وصعب عدى عليا ف حياتى الشخص اللى أنا عارفة هوا عمل عشانى ايه وغيَّر ف نفسه ايه عشانى، كان بيحاول طول الوقت وعلى قد ما يقدر يفضل جمبى ويخرجنى من اللى أنا فيه علشان عارف إن محدش هيعمل كدا غيره تعبتك معايا كتييير وصحيتك فى عز نومك كتير واستحملت وعمرى ما حسيتك زهقت ولا تعبت منى.. رامى اللى بيخاف يشوف حد تعبان اتعلم يدى حقن علشانى.

أنا تقريبًا شخص ملوش أصحاب غير اتنين ثلاثة بالكتير أوى هما اللى بيسألوا عليا رغم إنى كنت شخصاً اجتماعياً جدًا، لكن بقالى سنين وأنا مقررة أكون لوحدى مدام النفاق والكذب والزيف كتروا كده يبقى أكيد الوحدة أحلى بكتير، وأنا شخص نادرًا جدًا جدًا لما يبقى ف تجمع ويلاقي نفسه شبه الموجودين ودا مش عيبهم ولا عيبى لكن أنا شخص مش سهل التأقلم مع الآخرين.

بس رامى كان دايمًا عارف يعوضنى ويبقى هوا جوزى وحبيبى وأصحابى كمان.. بحمد ربنا عليك وبتمنى مشفش حاجة وحشة ف حياتى تانى علشان مش هستحملها وبشكر القريب اللى كنت فكراه هيبقى جمبى وملقتوش حتى بمكالمة تليفون غير كل فين وفين زيه زى الغريب، وشكرًا للغريب اللى لقيته جمبى مهتم وبيسأل وفعلاً المواقف دى اللى بتبين مين يستاهل يفضل ومين لأ وغالبًا المواقف دى هى اللى خلتنى أقرر أكون لوحدى مع جوزى وأهلى وبس وأنا مرتاحة جدًا.

ويستعد المطرب رامى جمال، لأغنية جديدة من كلمات الأمير سعود بن محمد عبد الله الفيصل، وشوق رامى متابعيه للأغنية، مؤكدًا أنه سوف يتم طرحها قريبًا.