الخميس، 11 فبراير 2021 - 10:32 م

فتح الإعلامي تامر أمين، النار على مروان محسن لاعب النادي الأهلي بعد إهدار ركلة جزاء في مباراة الأهلي وبالميراس في كأس العالم للأندية، قائلا: "أنا مش عارف أقول إيه.. أبوظ الفرحة يعني؟.. أنت مش عارف تعمل حاجة خالص".

وأضاف تامر أمين خلال برنامج "آخر النهار" المذع على قناة النهار: "مروان ترك الجول الفدان وضربها في القائم.. في إيه بس؟.. أيوه أنت لعبتها حلو بس هي مش ماشية معاك ومش مكتوباك، أنت مهاجم كويس بس إمكانياتك مش ماشية مع الأهلي.. فممكن تروح نادي تاني تشوف الدنيا".

وأكمل: "لو الأهلى خسر اليوم كانت ستقوم الدنيا على مروان محسن.. قدرنا مروان فى الأهلى".

وحصد الأهلى برونزية بطولة كأس العالم للأندية عقب الفوز على بالميراس البرازيلي بنتيجة 3 / 2 بركلات الترجيح، في مباراة تحديد المركزين الثالث والرابع بعد انتهاء الوقت الأصلي بالتعادل السلبي.