محمد طه

الثلاثاء، 16 فبراير 2021 - 05:53 م

احتفل الفنان رامي صبري بتصدره موقع الأغاني الشهير "أنغامي" بأغنيته الجديدة "عيونه لما قابلوني" متفوقا على الهضبة عمرو دياب بأغنيته "يا أنا يا لأ" والتي طرحها ضمن ألبومه الجديد والذي يحمل نفس اسم الأغنية.

 

ونشر رامي صبري، صورة من قائمة "أنغامي" واحتفال بتصدره في القائمة عبر حسابه بموقع التواصل الاجتماعي "إنستجرام" وعلق عليها قائلا: "Number one Anghami".

 

 

 

 

View this post on Instagram

 

 

 

 

 

 

 

 

 

 

 

A post shared by Ramy Sabry (@ramysabry8)

 

وحقق رامي صبري، مشاهدات مرتفعة بأغنية "عيونه لما قابلوني" منذ أن تم طرحها بمناسبة عيد الحب عبر قناته الرسمية على "يوتيوب" وتخطت أغنية "صبري" الجديدة حاجز المليون الأول، بمشاهدات بلغت 1,561,696 مشاهدة، كما تواجد الأغنية حاليا في المركز الـ25.

 

 

"عيونه لما قابلوني" من كلمان الشاعر الغنائي محمد عاطف ومن ألحان رامي صبري وتوزيع ومكس وماستر جلال حمداوي، وبيانو كريم صبري وتصوير عماد قاسم.

جاء ذلك، بعد أن أسدل رامي صبري الستار على خلافه مع الشاعر تامر حسين والملحن عزيز الشافعي بسبب أغنية "شكرا" التي طرحها الهضبة عمرو دياب ضمن ألبومه الأخير "يا أنا يا لأ".

 

الازمة انتهت بعد أن قدم رامي صبري اعتذار لتامر وعزيز وقابل الطرفين الأمر بترحاب وتقبلوا اعتذاره وترصد "بوابة أخبار اليوم" القصة الكاملة لأغنية "شكرا" بين الأطراف الثلاثة...

 

كان الخلاف، بدأ بين رامي صبري وعزيز الشافعي وتامر حسين بسبب أغنية "شكراً"، و بدأت القصة "ببوست" من رامي قال فيه إنه لن يتعامل مرة أخرى مع عزيز الشافعي وأنها ليست المرة الأولى التي يقوم بها بإعطاء أغنيته لعمرو دياب مستشهدا بأغنية "زى ما أنت" ليحذف من بعدها البوست، وكتب رامي صبري عبر صفحته على موقع التواصل الاجتماعي "فيسبوك": "تاني مرة الملحن عزيز الشافعي يأخد أغنية مني وإحنا شغالين فيها ويديها لفنان تاني وهو الفنان عمرو دياب بنفس الشكل التوزيعي والموزع، أغنية (شكرًا كده للي سبنا) وأغنية (زي مانتي) لذلك قررت عدم التعامل معه مرة أخرى".

 

لتبدأ سلسلة من الردود من صناع الأغنية عزيز الشافعي وتامر حسين عبر السوشيال ميديا وفي القنوات الفضائية وتبادل الاتهامات بين الثلاثي.

 

شاعر أغنية "شكرا" تامر حسين لم يصمت على ما قاله رامي صبري، وكتب عبر صفحته بـ"فيسبوك": "رداً على (شكراً) والمُهاترات اللى بسمعها، أولاً ليه بنجيب وبنقحم دايماً أسم ( عمرو دياب) فى جُملة مفيدة ؟ ايه الغرض ؟ ثانياً... توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعنى ليه الكلام ده مكنش فى أول يوم مثلاً؟ ده لو فعلاً الكلام على حق ثالثاً... اللى اتعلمته ومن أدبيات المهنه ولازم الناس كلها تفهمه فكرة الذوقيات يعنى ايه ؟ يعنى نبارك لبعض نهنى بعض مش نتهم الناس فى عز نجاحهم بالباطل  لما أى مُطرب فى الدنيا بتعجبه اغنية المؤلف والملحن  بيعملوا (تنازل عن حقوق الإستغلال) للمطرب طالما ماحصلتش الخطوة دى من زمان تبقى الأغنية ملك الشاعر والملحن".

 

وتابع تامر حسين: "لحين إختيار الأفضل وارد جداً تسمع مطرب زميل اغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة إتخاذ القرار، أنا شايف ان فى تجنى على حق المُلحن عزيز الشافعى أدبياً ومعنوياً  دى شهادة حق ومش شايف تماماً اى داعى يسمح بالكلام والصراعات دي وللمرة المليون الناس المُحترمة ما تعلنش مشاكلها فى العلن عيب فى خصوصيات مايصحش ندخل الجمهور فيها ونتهم ناس محترمة بالباطل اكيد مش هنزل فويس نوت نستشهِد بيه واحنا (أصحاب الحق ) وربنا يهدى".

 

الملحن عزيز الشافعي خرج عن صمته ورد على اتهام رامي صبري له قائلا: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليه بعد كدة يقلل منه حتى لو تجاوز.. ورغم إن كلامه كله (مالوش أي أساس من الصحة)، احب دايما اشوفه ناجح وبيكمل اللي عملناه و بشكره على إستجابته لطلبي و قراري الشخصي اللي بعتهوله الصبح من خلال صديقنا المشترك محمد حامد  بإننا منشتغلش تاني ونكتفي بنجاحاتنا".

 

وتابع عزيز الشافعي: "بعتذر للسادة الصحفيين اللي بيتصلوا  بيا مش عايز ادي الموضوع اكبر من حجمه وبكتفي بالبوست ده و بالكلام المحترم اللي كتبه زميلي وشريكي تامر حسين على صفحته عن أغنية  #شكرا، اما بخصوص #زي_مانتي  ف ممكن ترجعوا للصديق المشترك محمد حامد و تسألوه و  #شكرا  لحد كدة".

 

وبعدها بعدة أيام كتب رامي صبري على "فيسبوك" : " كلمني الأستاذ نقيب المهن الموسيقية الأستاذ هاني شاكر والدكتور مدحت العدل اليوم.. كل الاحترام لهم وحاضر اني هنسي اللي فات ...بس لو حصل اي تجاوز مره تاتيه علي اي قناه او اي مكان علي السوشيال ميديا من الشاعر والملحن ..سيتم رفع دعوى قضائية ضدهم ..اللهم بلغت اللهم ف أشهد".

 

ليرد عليه تامر حسين قائلا: "عرفتوا مين بيغير الواقع وبيعكس الصورة وبيصغر الناس المحترمة الكبيرة اللى اتوسطوله عشان غلطان ومتجاوز وقليل الحيلة الجمهور المحترم عرف فرق الُرقى والعقليات شوفتوا الكبر والجهل بالقانون".

 

ويعود رامي صبري مرة أخرى للخلف ويعلن تصالحه مع تامر حسين وعزيز الشافعي، قائلا: "تامر حسين عشرة كبيرة ونجاحات كتير أوي.. وعزيز الشافعي عزيز وغالي.. كان سوء تفاهم وعدى.. حصل خير".

 

ولكن تامر حسين وعزيز الشافعي لم يقبلا هذا الأمر، ونشر تامر حسين صورة تجمعه بعزيز الشافعي وكتب: ""لم يتم الاعتذار عن (الإتهام الباطل) ومفيش حاجة اسمها سوء تفاهم (سوء تفاهُم من طرفك) مش من طرفنا مش عيب انك تقول بتعتذر انها ماكنتشى أغنيتك وانك غلطت فى حقنا وقلت كلام لا أساس له من الصحة  الناس محتاجة تتأكِد مين على حق وصاحب الحق بمجرد اعترافك.. بالغلط حايتم التنازل عن أى إجراء قانونى خدناه ضدك بسبب إنك بتكابِر لو فعلا أصحابك وعشرة عُمرك وباقى ع الإنسانيات قول كلمة حق مين فينا وعدك انها أغنيتك؟؟؟ انت عارف انها مش ليك ياريت مايكونش البوست ده عشان اغنية نازله لك ومش عايز حد يهاجمها لازم نحترم عقول الناس اكيد احنا مش كل البوستات بنجرى ورا ضلال احنا بنثبت الحق للجمهور المحترم اللى واثق فى أخلاقنا".

 

وخرج محامي الملحن عزيز الشافعي، بإعلان رفض اعتذار رامي صبري غير الصريح لعزيز الشافعي، مشيراً بأنه خروج ذكي من أزمة لها 4 أطراف، المنتج، الملحن، الشاعر والجمهور، فكل طرف له اعتذار مستقل بعد زعزعة الثقة فيه بسبب الكلام الأخير الذي وجه لعزيز الشافعي، وتابع بأنه لا يراه اعتذار صريح، ولم يتواصل معه شخصياً، وإذا لم يكن هناك اعتذار صريح سيتبع الإجراءات".

 

بعدها صدق الشاعر تامر حسين، هو الأخر، علي كلام محامي عزيز الشافعي، مركدًا علي أن أعتذار رامي غير مقبول ولا يوجد ما يسمى "سوء تفاهم" ورامي قد أخطأ بحقهم بكلام لا أساس له من الصحة، وأن بمجرد اعترافه بالخطأ سيتم التنازل عن أي إجراء قانوني من طرفهم.

 

وفي تطور مفاجىء للأزمة، وجه رامي صبري، رسالة لتامر حسين ولعزيز الشافعى، على خلفية خلافهم وكتب رامي صبري عبر صفحته: إحقاقا للحق وكل واحد ياخد حقه أغنية شكرا للفنان الكبير عمرو دياب، أنا فعلا كنت شغال فيها لكن الأغنية مش ملكى قانونى يعنى مثلا محدش خد منى حقوق أو مقابل مالى أو أخدت تنازل رسمي علشان بس أبرئ تامر حسين وعزيز الشافعى من الحته دى.. وعزيز الشافعى أنت ملحن كبير ونجحنا سوا ما تزعلش من كلمة اتقالت في زعل و إحنا داخلين على أيام مفترجة و شكلنا خدنا عين ومن ساعت ما لحنت و كتبت حياتى مش تمام و إحنا مش تمام حبيبى يا عزوز وحبيبى يا تامر يا مدعى يلا حصل خير".

 

وقوبل اعتذار رامي صبري بالقبول من عزيز الشافعى، الذي وجه رسالة شكر لرامي صبري، وعلق عليها قائلا: "الحق أحق أن يتبع، حصل خير يا رامى، وأنت فنان حقيقى، ومباردة جميلة منك إنك توضح للناس الحقيقة، والاعتذار من شيم الكبار وانت كبير، وإحنا فالأول وف الآخر زملاء مهنة واحدة، وبفخر جدا بنجاحنا سوا، والعلامات اللى عملناها، وبتمنالك دايما النجاح والتوفيق فى كل شغلك وفى تقدم دايما يا نجم وشكرا على كلامك الجميل".

 

كما رد الشاعر حسين على رامي صبري قائلا: "هو ده رامي صبري اللي أنا أعرفه كان يهمنى توضيح الحقيقة للجمهور المحترم اللى تخيل اننا ممكن نعمل تنازل ل اى فنان أو ناخد مُقابل وندى الأغنية لمطرب أخر وكنت حزين ومأذى نفسياً من الموضوع ده وحقك عليا لو إتكلمت فى البرامج بحدة شوية في الكلام أو اتكلمت بلهجة مش لهجتي معاك ولا مع أى زميل بس ده من زعلى انك ماوضحتش كل ده ببوست وتبرء ذمتنا وسمعتنا واحنا فعلاً داخلين على أيام مُفترجة وفكل البرامج قلت انك أهم صوت في جيلك ما انكرتهاش وربنا يوفقك ويكرمك ويبعد عن الجميع أى خلافات ومشاكل عايزين نفن ونسعد الناس المحترمة اللي بتثق فى ذوقنا فنياً و نستغل الوقت في النجاح وبس مش مستاهله خصام وزعل  الناس بتموت وحصل خير وأسرتك الكريمة فوق راسى.. ومالهمش علاقة بمشاكلنا اللى انت بتورطنا فيها اون لاين حبيبى يارامي".