الجمعة، 19 فبراير 2021 - 11:52 ص

روى الطفل الموهوب محمد عبدالرازق، تفاصيل تحديه لظروف إعاقته ليتحول اليوتيوبر شهير عن الفيزياء، قائلا: بجيب المعلومات من كذا مصدر، بس للأسف مفيش ولا واحد منهم بالعربي، على حسب عنوان أو نوع الفيديو بجيب المصادر، ومن وأنا عندي 7 سنين كان عندي فضول أشوف ناشيونال جيوجرافيك، بس للأسف المجتمع اللي حوالينا مكنش بيساعد كتير، ومكنش فيه حد مهتم بالمجال ده، وقولت لازم أدور على حاجة أعملها.   

وأضاف الطفل الموهوب، خلال لقاء عبر «سكايب» ببرنامج «صباح الخير يا مصر»، المذاع على عبر شاشات القناة «الأولى»، أكتر مجال بحبه هو الفضاء، وبفكر أتخصص فيه لما أكبر في الجامعة، و محددتش لسة التخصص، ناوي أدخل كلية العلوم قسم الفيزياء أو الفضاء.

ولفت محمد عبدالرازق، فيه معلومات علمية كثيرة غلط متداولة بس المواقع اللى بجيب منها المواضيع دي مش بتقول أي معلومة غلط، زي السفر عبر الزمن، ده هدفي.