صورة ارشيفية
لميس الحديدي تكشف تفاصيل جديدة عن حادثة عمرو أديب| فيديو
السبت، 20 فبراير 2021 - 10:02 م
ووجهت الاعلامية لميس الحديدي وزوجة الاعلامي عمرو اديب الجمهور الشكر للجمهور ولكافة المسؤولين في الدولة قائلة : " عاوزه اشكر كل الناس اللي سألوا علينا و عليه من أصغر حد لأكبر حد ، من الجمهور البسيط اللي كان بيبعتلي رسائل ودعوات و شمع في الكنائس ، لأكبر مسئولين في البلد باشكرهم جميعا ، زملاءنا الإعلاميين، الفنانين من كل الوطن العربيه ، الدكاتره اللي كانوا بيكلموني .
تابعت لميس أن مستشفي دار الفؤاد اللي انقذت عمرو في اللحظات الاولي ، ألفا سكان اللي دايما في ضهرنا ، و طبعا أصدقائي و أصدقاء عمرو اللي ماسابونيش لحظه واحده .
واوضحت عبر برنامجها " كلمة أخيرة " المذاع على شاشة " ON" " انه في وقت الصعاب زي ماعمرو دايما بيقولي- اننا ماكناش بنزرع في البحر .الحمد لله. ومؤكدا ان وقت الازمات بيكشفلك عن معدن الناس و عن حبهم و تقديرهم و خوفهم عليك اللي يمكن ما بتحسوش في الوقت العادي.و الشكر الحقيقه مش للناس في مصر فقط و لكن في كل العالم العربي في الامارات و السعوديه و الاْردن و لبنان ،و العراق" .
وكشفت لميس الحديدي لاول مرة عن هوية أربعة شباب كان لهم دور كبير في إنقاذ زوجها الاعلامي عمرو اديب للمستشفى وإنقاذه .
حيث وجههت الشكر الى 4 شباب بالأسم نقلوا الاعلامى عمرو أديب الى المستشفى بعد الحادث مباشره و ظلوا معه حتى وصلت مباشره بعد الحلقه يوم الثلاث،وهم المهندس مصطفي عزب، د كريم النحاس، د طارق سلامه، المهندسة داليدا .
واكدت لميس انها لاتعرف هؤلاء الشباب ، لكنهم تصادف وجودهم في نفس مكان الحادث و نقلوه المستشفى و فضلوا معاه لحد وصولي و كملوا معايا لحد ما اتطمنوا عليه . الشباب دول انا صممت اخد أساميهم علشان اشكرهم بنفسي ، فيه لسه ناس محترمه بجد ".