الأحد، 21 فبراير 2021 - 05:59 م

كتب حمد الترهوني

داخل منزل ريفي بسيط تسكنه أسرة مكونة 13 شخصا في إحدى قرى محافظة المنيا، خيم الحزن على هذا المكان حتى أضحى بيتًا مليئًا بأنهار من الدموع بعد معاناة استمرت  لـ25 عاما .

في كل حدب وصوب، خاضت تلك الأسرة رحلة علاج شاقة لمحاولة رسم البسمة على شفاة الأشقاء الأربعة الذين يعانون من مرض ضمور العضلات بعدما أصبح ينهش أجسادهم وشل قدرتهم على الحركة.

أقرا ايضا| رئيس قويسنا يتابع تنفيذ مشروع الصرف الصحي بميت سراج بالمنوفية

«كنت أتمنى الموت قبل ما أشوف أولادي كده» هكذا بدأ نصار يحيى، 57 عاما، والد "محمد وأحمد وبدري وأسماء" حديثه لـ"بوابة أخبار اليوم". 

باع بيته أملا في علاج أولاده الأربعة

وقال نصار يحيى: "أولادي ضاعوا قدام عيني ومش عارف أعملهم حاجة أنا راضي بحكم الله وقدره لكن أنا في النهاية بشر بقالي أكثر من 20 سنة بلف على العيادات الخاصة والمستشفيات الحكومية ومن بلد إلى بلد مخلتش حاجة عندي كل حاجة بعتها عشان أوصل لعلاج لأبنائي".

وسرد الوالد معاناة أولاده قائلا: "محمد يبلغ من العمر 33 سنة ولا يستطيع الحركة، وكذلك أسماء 21 سنة البنات اللي زيها عرائس، أما أحمد 25 سنة عنده ضمور بصري مش بيشوف بيها خالص والتانية عين متحركة المفروض تتغير كل سنة ونص لكن قلة الحيلة والمال منعتني من تغييرها، وبدري 36 سنة ضمور بصري وعمي ليلي".

الوالد: رحمتك يا رب

تساقطت الدموع من عين الوالد الذي واصل حديثه قائلا: "نظرتهم ليا بتقتلني بحس بعجز وتقصير تجاهم وخاصة لما حد فيهم يبصلي ياه روحي بتخرج مني.. لكن إيه أقدر أعمله ومعملتوش مفيش باب سبته مخبطش عليه واستلفت فلوس واقترضت قرض مرة واتنين وعشرة لكن مفيش فايدة تعبت مادياً ونفسياً يارب أجرني في مصيبتي.. رحمتك يا رب".

محمد: أتمنى الوقوف على قدمي ولو ليوم واحد

بصوت مرتعش يقول محمد نصار 33 سنة: «نفسي أمشي على رجلي من تاني زي أي حد ولو ليوم واحد، ومش محتاج أي حاجة غير ستر ربنا بس».

أسماء: كل يوم بزحف على الأرض

قبل الحديث إلينا سكتت أسماء نصار 21 سنة، برهة، وذرفت دموعًا ثم تحدثت بصوت مليء بالشجن قائلة:«مش عارفه أمشي بزحف على الأرض ولما أشوف حد ماشي على رجليه بحس إني بطلع في الروح أبويا صرف علينا كل اللي حيلته وأنا وأخواتي بقالنا فترة مرحناش للدكتور من قلة الفلوس».

أمنية أب مكلوم في انتظار استجابة المسئولين

وفى نهاية حديثة قال نصار: "فضلا وليس أمراً من أب قلبه يحترق على 4 من فلذات قلبه يعانون من مرض ضمور العضلات والبصر من  المسئولين محتاج وقفتكم جنبي الحمل تقل عليا وحدي أنا بعت عفش بيتي.