الخميس، 25 فبراير 2021 - 11:40 م

صرح الفنان آسر ياسين، أنه لا يعتمد على الشكل والوسامة إطلاقا "بشوف نفسى مقبول وبدأت أتعاكس فى الثانوية والجامعة".

وتابع آسر ياسين خلال استضافته ببرنامج "السيرة" المذاع عبر قناة "دى إم سى" قائلا "عمرى ما عاكست بنت مكنتش بعرف وأكتر حاجات بحبها فى البنت، الذكاء، وتكون بتشتغل، بتصرف على نفسها، وقوية، ومهتمة بنفسها ومستقلة".

وعن سن المراهقة قال آسر ياسين "فى سن المراهقة، حبيت 4 مرات من ضمنها كنزي زوجتى، المراهقة كانت مليانة خناقات بسبب أخويا، وكنت بلعب رياضة كتير".

وكشف آسر ياسين عن سر لأول مرة قائلا: "مرة كنت مصاحب واحدة ورايح أقابلها وفجأة لقيت 5 ولاد ضربونى علقة موت ومكنتش فاهم ليه واتضح أنهم كانوا متلخبطين بينى وبين حد تانى".