الأحد، 28 فبراير 2021 - 10:07 ص

كشف الفنان مراد فكري عن استيائه من تجاهل الوسط الفني له، وعدم عرض أعمال سواء درامية أو سينمائية للمشاركة بها، مشيرًا إلى أنه لا يعلم سبب التجاهل وإذا كان عن عمد أو صدفة.

وكتب مراد فكري عبر حسابه الشخصي على موقع التواصل الاجتماع «فيسبوك»: "أنا بس مستغرب من الناس إللى عارفه اني ممثل كويس وليا أعمال ناجحة ومعلمة مع الناس جدا ملتزم جوة شغلى وعضو نقابى وكواليسى هادية ومحبوب بشهادة الجميع بس الغريبة في ناس عاملين نفسهم مش شايفني ومش عارفني !! مش فاهم ولا عارف دة بمزاجهم ولا أمر من حد له هدف انى اختفى من الساحة".

وتابع: "انا إللى اعرفه انى بسعى و اتواجد وعمرى ما اتكلمت على حد وحش .. ولا ليا في السياسة !! ولا بحب اعادي حد في الوسط الفنى !! أنا عشمى كبير فى ربنا وفيكم تبصولنا بصة بعيده عن الشللية والمحسوبيات اللي قربت الدنيا .. انا بجد نفسيآ بموووووت وصابر أوى أوى .. والأرزاق بتاعة ربنا بعد اذنكم بلاش كومنتات سخرية أو مدح.. انا عايز حل من ناس مسئولة و ليهم كلمة فى الوسط الفنى".