الثلاثاء، 23 مارس 2021 - 06:22 م

دخل الفنان أحمد مجدي قائمة الفنانين المصابين بفيروس كورونا بعد أن أعلن منذ قليل عن  إصابته بفيروس كورونا المستجد.

ونشر الفنان  أحمد مجدي عبر صفحته الرسمية بموقع إنستجرام، مقطع فيديو له، يقول فيه: "يوم الاثنين اللي فات تعبت شوية وعملت مسحة كورونا، وطلعت إيجابية، والحمد لله الأعراض مكنتش قوية أوي"

وقال "قعدت في البيت أسبوع، وأخدت أدوية وكنت تعبان أوي ومكنش في طاقة خالص وصداع وسخونية وتكسير في الجسم وصدري لحد دلوقتي، بس بعد شوية ابتديت اتحسن مع المضاد الحيوي والراحة"

وأشار أن "دي أول مرة في حياتي أقعد لوحدي بالطريقة دي في البيت وسعيد جدا بالتجربة لأن كان عندي وقت وعندي فرصة أعمل حاجات كتير وأقوي علاقتي بالبيت لأن بحبه جدا وأقرب من نفسي أكتر"