الأربعاء، 24 مارس 2021 - 06:50 م

إهدى حبّة واحسبى الموضوع بعقل
كل حاجة وليها حلّ
أوعى تفتكرى إنى بايعك
وإن بُعدك عنى سهل
وإنك هتنسينى ف يومين
زى ما اتقال ف الأغانى
الكلام سهل الحقيقة
والحقيقة.. ليها دايماً بُعد تانى
يبقى ليه البُعد أصلاً
اللى بينا حاجة حلوة
حاجة تستاهل محاولة على الأقل
ممكن إمشى عادى جداً
مش فارقة متساب ولا سايب
وهاعتبرنى دخلت عزل
افتكرى بس إن اللى فاكراهم حبايب
هيبانولك ندل ندل
راجعى نفسك وأوعى فجأة
تعيشى دور المستقلة
دى كدبة وأنا عندى الأدلة
الغرور خلّاكى شوفتى الظلم عدل