الأربعاء، 31 مارس 2021 - 08:10 م

عمّالة تدوّر من فترة
ومش لاقية دليل
حاسّة انى باكلم غيرها
وليل الغيرة طويل
فاكرة انها تقدر تفهمنى
ناسية ان مقابلتنا الاولى
ف ورشة تمثيل
 
موضوع متواصل مترتب
امتى هاكون صادق..
امتى اكدب
بس ماليش شهر معيّن
طول السنة ابريل
 
انتى اللى اخترتى تكونى
زوجة لواحد محبوب
مش انا اللى ضغطت
وحوّلت اللايكات لقلوب
اصل دى ارزاق
افهمى واوعى تشدّى الاجزاء
اصل انا مبسوط ان انا شاغلك
وهو المطلوب