مي فاروق مي فاروق

مي فاروق تفكر في الإعتزال بسبب «الشلليلة»

أحمد السنوسي الخميس، 01 أبريل 2021 - 03:22 م

عبرت المطربة مي فاروق، عن استيائها وشعورها بالإحباط، من الوسط الفني، والطرق والوسائل التي يسلكها البعض من أجل الصعود وتحقيق النجاح بشكل سريع، مشيرة إلى أنها لم تحب يوما الاعتماد على الغير، أو التقرب من أحدهم حتى تصل لما تريد، بل اعتمدت فقط على موهبتها.

وقالت: «أنا بحب الغناء أوي، ويمكن كلكم عارفين من امتى بدأت، ولو النهاردة واحد بس عارف مي فاروق، فده بفضل ربنا ووقفة أهلي ورايا طول عمري».

وتابعت: «لا ليا شلة ولا صاحبة، ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدا، والمجال ده محتاج شِلل وصحوبيات، وأنا مش في الحتة دي، ومبعرفش اتقرب من حد عشان مصلحة، وطول منا كدة، مش هقدر أوصل للي أنا عايزاه».

وأضافت: «ساعة الجد انت اللي بتسعى، وكمان بتحبط وأنا مفروض قوية ومش بستسلم ببساطة، بس أنا قرفت وزهقت وقربت أكره الغناء نفسه اللي ربنا ميزني بيه، وبفكر جديًا أبعد عنه تمامًا، لأني فعلا زهقت جدًا، وياريتني ما حبيت الغناء من صغري ولا كان ليا في أصلا».

وكانت مي فاروق قد أحيت مؤخرا حفل الليلة الثالثة لمهرجان عيد الحب، الذي نظمته دار الأوبرا المصرية على مسرح النافورة، وقدمت مجموعة من الأغاني تجمع بين أعمالها الخاصة وكبار النجوم، ومنها "على عيني يا حبة عيني" لوردة ، "ليه يا قلبي ليه" لفايزة أحمد بالإضافة إلى "دارت الأيام"و"أنت الحب" لكوكب الشرق أم كلثوم.



 

 

 

الاخبار المرتبطة

الأكثر قراءة

 

 

الرجوع الى أعلى الصفحة