أحمد المحمدي أحمد المحمدي

المحمدي: لا أمانع الانضمام للمنتخب.. واستبعادي بسبب السن أمر غير مقنع

أشرف عبدالمنعم الثلاثاء، 06 أبريل 2021 - 12:01 ص

أكد أحمد المحمدي الظهير الأيمن لفريق أستون فيلا الإنجليزي أنه لا يمانع الانضمام لصفوف منتخب مصر بدون المشاركة أساسيًا أو ارتداء شارة القيادة.

وقال المحمدي في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "النقطة المهمة هي الصعود، الأجواء كانت صعبة في كينيا وفي لعيبة بقالها فترة بعيد عن المنتخب، كان الأهم هو الصعود والتأهل، الفترة الجاية صعبة علشان تصفيات كأس العالم، الناس لازم تقدر ظروف المنتخب والتجمع في فترات صغيرة بيكون صعب الأداء والأهم هو الأداء".

وتابع "الفترة الجاية هيكون في فترة اطول الجهاز يقدر يشوف اللعيبة بشكل أكبر، أتمنى الفترة المقبلة أكون موجود وده شرف كبير لأي لاعب".

وأضاف "استبعادي عن المنتخب مع حسام البدري وجهة نظر فنية تحترم طبعًا، ممكن الفترة دي الجهاز يعتمد على عناصر تانية.

وواصل المحمدي "مؤمن بمقولة أن الجهاز الفني له الرأي الأول والأخير ولكن في رأيي أن اللاعبين أصحاب الخبرات لازم يكونوا موجودين علشان يفيدوا القائمة حتى لو مش هيشاركوا أساسي، علشان تدي اللعيبة المنضمة حديثًا الخبرات، مع كوبر مكنتش بنضم في الأول ولما لعبت في الجابون قدمت بطولة مميزة، مش شرط أني ألعب أساسي علشان انضم، دي رؤية الجهاز الفني".

واختتم أحمد المحمدي تصريحاته "بخصوص شارة القيادة، أنا بقالي سنين في إنجلترا والمدير الفني هو إللي بيقرر مش بالأقدمية، الموضوع مختلف برة مصر، أنا بالنسبالي اتعودت أن لو المدير الفني مش هيختارني كابتن خلاص عادي، لو أنا موجود مع المنتخب والشارة هتبقى مع حد تاني معنديش مشكلة".



 

 

 

الاخبار المرتبطة

 

الأكثر قراءة

 

 

الرجوع الى أعلى الصفحة