الجمعة، 09 أبريل 2021 - 08:28 م

ما زال انفضال أسما شريف منير، عن زوجها الفنان الشاب محمود حجازي، يسيطر علي حياتها اليومية وتدوينتها علي مواقع التواصل الإجتماعي.

حيث كتبت أسما منذ قليل عبر حسابها علي فيس بوك، "دايماً لما اتنين بيسيبوا بعض كل واحد فيهم بيبقي عايز التاني يحس أنه تعبان من غيره، أو في حال أوحش، عشان يعرف يعدي و يقوم، هكدب عليكم لو قلتلكم محستش كده!! بس بما اني مركزه مع تجربتي المره دي عشان فعلاً عايزه أتعلم و أقوي بجد، قعدت أحلل الإحساس ده بكل تفاصيله لحد ما وصلت أن لو فعلاً الواحد في يوم حب إزاي ممكن يتمني لحد حاجة زي دي، ايه الأنانية دي؟ حتي لو اتأذيت ليه أوصل اني أتمني أن الشخص التاني يتعب عشان يحس بقيمتي". 

ده إحساس مؤذي و ده مش طبعي، هذبت نفسي و لومتها و قلت لنفسي أن لو ده اختبار من ربنا يبقي لازم الواحد يكون قده!  مش كلام و خلاص.
و تكون النهايات أخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، وغيري التفكير ده من جذوره و دعي الخلق للخالق.

ركزي في ازاي تقومي بطريقة صحية و اتمني لغيرك إللي تتمنيه لنفسك عشان ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏.
سامحي حتي لو مش انتي اللي غلطانه، إن الله غفور رحيم.