الأحد، 11 أبريل 2021 - 02:14 م

مازالت قضية إسراء عماد الذى قام زوجها بتشويه وجهها فى الإسكندرية محل اهتمام الشارع السكندرى، خاصة بعد أن قام الزوج بالإدلاء بأقواله أمام النيابة فيما هو منسوب إليه بالشروع في قتل زوجته إسراء عماد والتعدي عليها بالضرب مستخدمًا في ذلك سلاح أبيض سكين قاصدًا من ذلك قتلها.

حيث أكد فى أقواله أنه قام بضربها ولكنه لم يحاول قتلها، والواقعة بدأت منذ أن كان بيننا خلافات منذ شهرين وكانت تاركة لمنزل الزوجية ومعها نجلى وطلبت منى الطلاق حتى قام أحد جيرانى بالمنزل بالاتصال بى وطلب منى الحضور لمنزله للأهمية وبالفعل ذهبت إليه، وكان يريد إن يصالحنا مع بعض.

ويقول الزوج: "بس هي كلمتني بأسلوب مش حلو، وقالتلي مش هتشوف ابنك تاني، وهو قالها يا بنتي اتكلمي بأسلوب حلو، فنزلت تحت وأنا نزلت معاها، وقلتلها هغير هدومي وأنزل، وساعتها خدت سكينة معايا علشان كنت خايف تكون جايبة حد ينتقم مني، ونزلت بعد كدة، اتكلمنا ولقيت أمي وأخويا نزلوا وأخدت مني مفتاح التاكسي، وطلعت هي وأخويا مصطفى، وهي اتضايقت علشان أمي أخدت المفتاح، وشافت السكينة في جيبي وراحت تاخدها وأنا مسكت منها السكينة فاتعورت في إيدي، وهي قالتلي أنا روحت عند صاحبك حسن طارق البيت، فأنا اتضايقت وقالتلي إنت شايف إيه بعد اللي أنا قولتهولك، قعدت أضرب فيها بالسكينة، ولما وقعت أخدتها في العربية للمستشفى، وأخويا مصطفى كان معايا، ونزل في نص الطريق علشان كان خايف، وسألوني دي حادثة، ولا إيه قلتلهم أنا اللي عملت كدة، فأخدوني من المستشفى على القسم".

واعترف الزوج فى أقواله أنه قام بضرب زوجته إسراء فى وجهها و فى " جنبها " ثم وقعت على الأرض وبعد ذلك قام بنقلها للمستشفى، وتم القبض عليه.