أحمد العوضي وياسمين عبد العزيز أحمد العوضي وياسمين عبد العزيز

أحمد العوضي عن دوره في «اللي مالوش كبير»: «راجل حملة وتركيبة مختلفة»

أحمد السنوسي الثلاثاء، 13 أبريل 2021 - 03:22 ص

علق الفنان أحمد العوضي على دوره في مسلسل «اللي مالوش كبير» في شخصية سيف الخديوي، قائلا: «شخصية مختلفة تماماً عن دوري في مسلسل الاختيار في شخصية الإرهابي هشام عشماوي».

وتابع في مداخلة هاتفية عبر برنامج «كلمة أخيرة» الذي تقدمه الإعلامية لميس الحديدي على شاشة «ON» قائلا: «الاختلاف هنا ممكن أقول على الدور أنه «قبضاي» باللغة الشعبية «راجل حملة» عنده عزوته وناسه وتركيبة مختلفة عن دور هشام عشماوي في مسلسل الاختيار».

وواصل: «الدور مافيهوش تكشير كتير وهي شخصية تحمل لزمات خاصة بها وإفيهاته عشان تعلق مع الناس سواء بحركة الايد أو الإفيهات».

وحول قلقه من ردود الأفعال على العمل، قال: «قلقان طبعاً، لأني خارج من الاختيار وياسمين عبدالعزيز طالعة من (ونحب تاني ليه)، وده في حد ذاته ضغط نفسي علينا، لأننا هنجتمع في عمل واحد وده تحدي مقارنة بأن لو كل واحد عمل شغل لوحده وفي نفس الوقت عاوزين نعمل حاجة الناس متتوقعهاش».

وأكمل: « عاوزين نقدم حاجة كبيرة وجديدة عشان تليق بإننا نتجمع أنا وياسمين في عمل واحد وبوعد المشاهدين إننا نبقى في الصفوف الأولى في السباق الرمضاني» .

وحول دور ياسمين عبدالعزيز قال: «عاملة دور تقيل وبشكل إحترافي مش بقول كده عشان هي مراتي لكن كنجمة أنا بمثل قدامها عشان  كده هي عاملة حاجة متميزة مختلف عن دورها في مسلسل ونحب تاني ليه رمضان السابق ». .

وقال: «ماعنديش الحتة دي أني أقلق من العمل قدام زوجتي بالعكس كان مريح لي وليها.. لأني ما عنديش في أفكاري فكرة أن أفرد ضلوعي  بالعكس أنا ببقى مهتم أنها تطلع أحسن مني وهي كمان بتتمنى كده».

وحول مشاركة خالد الصاوي قال: «فنان كبير ودمه خفيف أحلى كواليس في الدنيا بتطلع مع وجود الفنان القدير خالد الصاوي وأنا بتعلم منه».
 

 

 

 

الاخبار المرتبطة

 

الأكثر قراءة


الرجوع الى أعلى الصفحة