أيتن عامر
آيتن عامر: مشاركتي في هذا المسلسل الرمضاني «غلطة وندمانة عليها»
الأحد، 18 أبريل 2021 - 07:28 م
قالت الفنانة أيتن عامر أن أكثر بوست بتعمل ليه شير على مواقع التواصل الاجتماعى "الحكم و الامثال و الكوميكس"، وأنها تقبل النقد دائما وتحاول تطبيق الجاد والبناء منها، لكن هناك من ينتقد للنقد و خلاص ولا اشغل بالى بيهم.
وتابعت آيتن عامر خلال حلولها ضيفا مع الاعلامي شريف الليثي ببرنامج " حوار اون لاين" ويذاع في الساعة ٥:١٠ قبل الافطار يوميا باذاعة الشرق الاوسط ، انها عندما تشاهد حاجة كوميدية بتضحك حتى البكاء، و اكثر حد بيخليها تضحك ابنها ، عنده سنتين و نصف بس رهيب .
و اضافت ان ابنها يوسف طول الوقت بيحكى ليها كل حاجة و ان مفرداته فى الكلام و هو فى السن الصغيره دى تحس انه شخصية ، و انها بتحاول ترسم "الانجرى فيس " او وجه الغضب لاولادها لما بيعملوا حاجة غلط ، لانه كانت زمان بتخاف من والدتها لما كانت بتبرق ليها لما تغلط ، لكنه مع اولادها بتضحك و مش بتقدر تمسك نفسها .
واشارت آيتن أن اكثر ما يعصبها الكذب، ومن المواقف التى ندمت عليها مسلسل عملت به هذا العام -كل ما نفترق- وأنا أكبر بكتير من انى اعمل المسلسل ده و غلطة و ندمانة عليها و مش هكررها.
ومن المواقف التى لا تنساها فى حياتها انها تاهت و هى صغيره و دائما اسرح في خيالي انى لو تهت و اهلى لم يجدونى كان هيبقى مستقبلى غير.
وتابعت ايتن ان باسورد اسرارها مع دينا صاحبتها ، وانها بنسبة ٧٥٪ مش كاتومة ، و انها بتقضى وقت فراغها فى الليفنج روم فى بيتها لانه بتدخله الشمس من ٣ جهات لكن هناك اتنين مزعجين مش بيسبونى فى حالى اولادى .
يذاع برنامج " حوار اون لاين" في الساعة ٥:١٠ قبل الافطار يوميا باذاعة الشرق الاوسط ويعاد في الساعة العاشرة صباح اليوم التالي