الإثنين، 26 أبريل 2021 - 03:40 م

تعرضت الفنانة سماح أنور، لهجوم شديد من الجمهور عبر مواقع التواصل الاجتماعي وذلك بعد تصريحاتها الأخيرة عن موقفها من إرتداء الحجاب.

حيث قالت سماح أنور، «ألبس حجاب ليه وأغطي شعري؟ ربنا خلقلي شعري، ربنا العظيم هو اللي خلقلي الشعر ده، شعري مش المشكلة، العورة هي المشكلة».

وأضافت أنور، خلال حوارها مع الإعلامي أحمد سالم، مقدم برنامج «لحظات جريئة» على شاشة «القاهرة والناس»: «أنا بشوف محجبات كتير في الشارع لابسين استرتش، هل ده يرضي ربنا؟».

وحول قوله تعالى (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ)؛ قالت: «الآية دي اللي فسرها أنها على الحجاب بني آدمين زيي، وأنا بني آدمة برضو وفسرتها بطريقة تانية».

تابعت: «أنا مليش دعوة بحكم الحجاب الديني، مليش علاقة بفرض ولا مش فرض، أنا بني آدمة عادية لو حطيت حاجة على شعري بتخنق، وربنا اللي هيحاسبني، وأنا مش بحب اللي يخوفني من ربنا، ربنا يتحب بس ميتخافش منه».

وأنهالت التعليقات اللاذعة من الجمهور بعد عرض الحلقة وإنتشار التصريحات على السوشيال ميديا، معبرين عن إستيائهم وغضبهم منها.