الثلاثاء، 27 أبريل 2021 - 04:00 م

تعرض تامر عاشور لهجوم حاد عبر السيوشيال ميديا، حيث تم نشر صورة له من إعلان مستشفي علاج الأورام، وتم شن هجوما حادا علي عاشور بمواقع التواصل الاجتماعي وتم نشر تعليقات ساخرة علي تامر.

وأثارت صورة تامر، ضجة كبيرة على مواقع التواصل الاجتماعي، وجاءت التعليقات ساخرة منه، وبعيدة عن الدعاء للمريضة أو التبرع لها، حيث كان الأغلبية يتبادلون التعليقات سواء بالكوميكسات عليه أو بانتقاده.

وأزمة صورة تامر عاشور، ربما تنتهي بعد نشر المطرب منشور على صفحته الرسمية بموقع «فيسبوك»، يرد فيه على الانتقادات والاتهامات السلبية، حيث وضع صورة مع نفس المريضة وهو يقبل يديها، قائلًا: «صباح الخير، أنا طول حياتي ومشواري عمري ما اتريقت على حد سليم علشان أتريق على مريض حاش لله، واللي أخد كلامي تريقة على مريض نفوسهم ضعيفة، وهم اللي مرضى بيفرقوا بين المريض والشخص الطبيعي».

وأضاف «عاشور»، عن أزمة الصورة: «لو نزلت صورتي مع أي طفل (اللي هو غير مُكلف بالصيام ) وقولتله بأي طريقة (متشربش مياه قدامي يا فاطر) أو (خد دي يا فاطر أنا صايم)، حد هيتكلم؟ مستحيل علشان طفل طبيعي، لكن المريض لأ منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا».

وتابع: «المرض الحقيقي هو التفرقه بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو أن فكرة (المعايرة) جاتلك قبل 100 فكره تانية ممكن تجيلك من جمال البنت وضحكها وبهجة الصورة، وللأسف شوفت كمان حاجة غريبة جدا، ناس كتير قوي محسوبين على (هامش هامش هامش المجال الفني) عمرهم ما شافو مني حاجة وحشة غير إني مباديهمش مواعيد لاقيتلهم تعليقات كأنهم ما صدقوا وأنصحهم (العمر بيجري حاولوا تعملو حاجة لنفسكم أولى)».

وأنهى تامر عاشور حديثه قائلًا: «البنت اللي في الصورة فضلت في حضني طول تصوير الإعلان وبحبها جدا جدا ومتفقين أنا وهي على حاجات كتير قوي قوي هنعملها».
اقرأ أيضا || تامر عاشور ورامي جمال يحييان حفلًا غنائيًا بمركز المنارة.. الليلة