الثلاثاء، 27 أبريل 2021 - 11:17 م

كشف المطرب الشعبي سعد الصغير، أنه خلال جنازة والدته، لم يجد أحد حوله من زملائه في الوسط الفني.

وأضاف خلال حواره مع الإعلامية بسمة وهبة، ببرنامج «العرافة» المذاع على شاشة «المحور»: «عملت أفراح لناس ومخدتش فلوس.. عملت فرح غادة عبد الرزق وغنيت ساعتين ومخدتش جنيه، لكنها مقالتش البقية في حياتك.. كان واجب عليها تليفون صغير».

وأجاب المطرب الشعبي، سعد الصغير على سؤال الإعلامية بسمة وهبة: كام مرة شيطانك غلبك؟، ليرد قائلًا: «كتير.. ولا مرة انتصرت.. وكل مرة بيغلبني..أنا إنسان ضعيف ولما بصلي بكون جامد».

وأضاف: «أنا مدرسة في الغناء، وعبد الباسط حمودة وشيبة بيقلدوني، وأنا صاحب فضل على الليثي ولو مشيت في الشارع جنب شاكوش وبيكا، الناس هتعرفني ومش هيعرفوهم».

وشن المطرب الشعبي سعد الصغير، هجومًا حادًا على زميله عمر كمال، بعد تصريح الأخير: تاريخك كله ميجيش حاجة في عود البطل.

وقال سعد الصغير: أنا اللى وقفت معاك، وكلمت ناس عشان أساعدك في قضيتك.. أنت ملكش تاريخ.. أنت كنت بتتفرج عليا.

وواصل قائلًا: «مفيش مطرب له تاريخ.. إحنا بنرقص ونغني مع راقصات.. التاريخ مع العلماء اللى بيقدموا كل مفيد للناس».