الإعلامي عمرو أديب
الإعلامي عمرو أديب


عمرو أديب عن الزحام بمنطقة «الحسين»: الوضع صعب وفي تحورات وأنواع جديدة

رضا خليل

السبت، 01 مايو 2021 - 12:35 ص

 

انفعل الإعلامي عمرو أديب، على الهواء بسبب مقطع فيديو تداوله رواد مواقع التواصل الاجتماعي لزحام شديد في منطقة الحسين، قائلا: "شارع المعز جميل والأوبرا المصرية جميلة، وكله شغال، بس بأمارة إيه؟، الناس بتقول هنفطر ونتسحر في مركب أصله في الهواء، أنت راكب المحروسة، أو اليخت الملكي، كلها حاجة مترين في مترين.

اقرا ايضا .. عمرو أديب: «نفسي أشوف شعب مطمئن من كورونا زي المصريين»

وأضاف "أديب "خلال  من برنامج "الحكاية"  المذاع عبر منصة "شاهد" في شهر رمضان، أمس الجمعة "ربنا يستر في اليومين الجايين، الناس تاخد بالها من بعضها، هل ده منظر بلد في عصر الكورونا، الناس مش عارفة تتنفس في وش بعض".

وتابع : طب وبعدين؟، الناس مش بتحس بالكورونا غير لما يجيلها أو يموت لها حد، وكل الناس اللي قاعد بتتندر وسط ناس، ولسه بتكلم مع حد متعلم من أيام كان بيقول إنه سامع إن الأزمة خلاص.

وحذر " الإعلامي  عمرو أديب من السيناريو الهندي، موضحًا أنها طلبت الحصول على عقار ريمديسيفير، بالرغم من أنها قاعدة الدواء في العالم: «قالت إن مصر والإمارات وربنا واقفين جنبها، رغم إن الناس كانت بتتريق على إننا بنصنع ريمديسفير، والهند طلبت كميات».

وواصل: الهند وصلت للي وصلت له بسبب احتفالات دينية في الخلاء، كانت في الهواء الطلق، يا خلق الله ربنا ساترها معانا حتى الآن اهمدوا شوية، أنا في عرضكم، الوضع صعب وفي تحورات وأنواع جديدة".

وانتقد "الإعلامي عمرو أديب" قلة اقبال المواطنين على لقاح كورونا مع عدم الالتزام بالإجراءات الاحترازية، قائلا: لازم نترزع في الحيط! إحنا مش عاوزين البلد تقفل، ومش عاوزين نوصل لأي مرحلة صعبة، اتوسل إليكم بشويش اليومين الجايين، محدش هيقدر يمنعكم تخرجوا وشايف الطوابير على العين السخنة والإسكندرية.

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة