الإثنين، 03 مايو 2021 - 07:57 م

أكد المطرب إيهاب توفيق، عدم وجود خلافات بينه وبين النجمة شيرين عبد الوهاب، مشيرا الى ان هناك موقف قديم تسبب فى سوء فهم بينه وبين شيرين والمطرب اللبنان فضل شاكر، قائلا: "أنا مش مضايق من شيرين وهي حبيبتي، وكان فى حفلة من فترة كنت فيها أنا وشيرين وفضل شاكر والمفروض شيرين تبدأ وبعدين أنا وفي الاخر فضل شاكر".

وأضاف المطرب ايهاب توفيق، فى لقاء ببرنامج "شيخ الحارة والجريئة" مع المخرجة ايناس الدغيدي، على قناة القاهرة والناس، "الحفلة بدأت متأخر وشيرين بدأت بعد الوقت اللي المفروض تغني فيه بساعة ومعرفش سبب التأخير وبالتالي أنا دخلت متأخر، وفضل شاكر استلم المسرح مني ووقتها فضل زعلان وافتكر انى انا اللي طلعت متأخر".

وتابع: "فضل شاكر زعل وافتكر انى اعمل فيه مقلب عشان الناس متحضرش الحفلة بنفس الكثافة خلال فترة غناءه"، مؤكدا أنه مغني يحب الالتزام واستمر فى الحفلة رغم تأخر المواعيد.