الثلاثاء، 11 مايو 2021 - 02:21 ص

علق الفنان أحمد العوضي على نجاح مسلسل "اللي مالوش كبير"، وتقديم شخصية سيف الخديوي، على الرغم من كونها تعكس شخصية بلطجي قائلا: "ده كرم من ربنا إني عملت الشخصية دي والناس حبتها.. وأنا دائماً لما بعمل شخصية بحاول أعملها بطريقة معينة تكون أقرب للحقيقة".

وتابع في مداخلة هاتفية خلال برنامج "كلمة أخيرة" الذي تقدمه الإعلامية لميس الحديدي على شاشة "إكسترا نيوز" خلال شهر رمضان، قائلا: "أنا أصلاً من منطقة شعبية والناس عارفة كده وتعاملت مع أصناف مختلفة من البشر".

وأكمل: "عشان كده أنا بقول إن شخصية سيف الخديوي موجودة بالفعل بطريقة كلامه بخواتمه وحركات يده".

وعن جمل "وحش الكون" و"على الله حكايتك يا ست"، قال العوضي: "من أول مسلسل كلبش قلت فيها جملة (من أجلك أنت) الناس أخدتها مني  ما جعلها دارجة في الشارع، دلوقتي بقى انا بعمل العكس يعني بخلي الناس هيا اللي تاخد من عوضي".

وحول العمل مع زوجته ياسمين عبد العزيز، قال: "احلى حاجة في الكون والناس بقت دلوقتي كلها تقول يا وحش الكون".

 وتعليقاً على مشهد الفرح وتأثيره عليهما، قال العوضي: "كنا مبسوطين جداً وتعاملنا مع الفرح أنه فرح بجد لان كان فيه ناس جاية تجامل بجد زي  عمر كمال ومحمد عبد السلام حسيت إنهم جايين يجاملوا عوضي وياسمين وكأنه فرحنا بجد مش شغل".