الخميس، 10 يونيو 2021 - 11:36 ص

أكدت الفنانة أنغام، سعادتها بردود الفعل بعد طرح أغنيتها الجديدة "أنا بعته كتير" قبل أيام.

وفي مداخلة هاتفية مع الفنان إدوارد، والإعلامية نانسي مجدي في برنامج "القاهرة اليوم" على قناة ألفا، قالت أنغام: "أنا دايما مراهنة على الناس، وعلى وعي الجمهور وإحساسهم، وبشوفهم متلقين راقيين جدا. ونجاح أغنية زي أنا بعته كتير بيقول كده ويؤكد وجهة نظري."

اقرأ أيضًا | سميرة سعيد ترقص على أنغام «الساعة اتنين بالليل»| فيديو

وعن رأيها في التريند وعدد المشاهدات كمقياس لنجاح الأغنية، قالت: "طبعا ببقى فرحانة بردود الأفعال والكلام الحلو اللي بيتقال، بس بخاف شوية من فكرة التركيز مع الأرقام.. لازم الأغنية تاخد وقت شوية عشان الواحد فعلا يبتدي يصدق، وميتغرش من أول لحظة بأرقام حلوة جدا طبعا، بس دايما عندي رعب."

وعن استعدادها للتمثيل في الفترة الحالية، قالت: "أنا بحب التمثيل جدا، وعندي استعداد لو اتعرضت عليا حاجة حلوة ومناسبة وملائمة لمرحلتي وشكلي دلقوت، لكن لسه مفيش حاجة."

ومن المنتظر أن تحيي أنغام حفلا غنائيا في دار الأوبرا بتاريخ 1 يوليو المقبل، وعن الحفل قالت: "فعلا التذاكر خلصت بسرعة جدا، عشان الناس كانت مشتاقة لرجوع الحفلات، وأنا سعيدة جدا إن أنا حنزل وأغني."

يذكر أن أغنية "أنا بعته كتير" صدرت على القناة الرسمية لأنغام بموقع يوتيوب بتاريخ 7 يونيو الجاري، وهي من كلمات أمير طعيمة، وألحان إيهاب عبد الواحد، وتوزيع طارق مدكور.