الأربعاء، 23 يونيو 2021 - 07:25 م

من العجب أن يتعاطف البعض مع مجرم ثبت بحكم قضائى إدانته. ومن العجب أيضا أن نكرس إهتماماتنا بسفاسف المشكلات والقضايا ولدينا ما يمثل لنا حياة أو موتا. هذا الكلام ينطبق على قضايا الاتجار بالبشر والدعارة المتهمة بها فتيات التيك توك. كم حذرنا من استخدام التكنولوجيا الحديثة دون فهم أو وعى. بدلا من أن نستفيد بها فيما هو مفيد لمجتمعنا، نستخدمها فيما يضرنا ويضر دولتنا. إذا كان القضاء حكم بالإدانة على فتيات التيك توك فليس لنا من حق فى التعاطف معهن، وليس لنا من حق فى خلط الأمور بين الفن الهادف والفن الهابط.
لقد حذرت فى مقالاتى من تطبيقات إليكترونية تستهدف اختراق المجتمع وبث روح الفرقة بين أفراده، ونشر الرذيلة بين شبابه. المتخصصون فى البرمجة والإليكترونيات أكدوا وجود نوعين من التطبيقات (تطبيقات تجارية - تطبيقات سيئة السمعة). التجارية whatsapp telegram insta facebook uber careem. وسيئة السمعة مثل: truecaller - whois - like وترو كولر سيئ السمعة لأنه يبيع الداتا الخاصة بك. المبرمجون بيعملوا «ريفيرال»، لو انت فاتح أكاونت فى أى تطبيق تجارى بتكسب منه، أو بتشترى منه، مثلا سوق أو أمازون ممكن تاخد لينك الريفيرال تبعته لصحابك أو تسوقوا للناس علشان يسجلوا عن طريقك، تكسب مثلا من كل عملية بيع ٥٪ أو ١٠٪ أو ٢٠٪ التسويق بالعمولة. الريفيرال ده بيبقى عبارة عن كود، أما الشخص ال هيسجل يحط الكود يدوى أو يدخل على اللينك على طول فانت تاخد نسبتك تلقائى.
أما التطبيقات سيئة السمعة، نوعان نوع بتفتح التطبيق تطلب واحدة تجيلك البيت. بتتفق معاها على الساعة اللى بتكون من أول ٥٠٠ جنيه فما فوق. وهناك تطبيقات (دعارة) أونلاين تدفع ١٠ دولارات فى صورة كوينات بتكون شاريها من التطبيق، وبالمقابل هتقعد معاك ١٠ دقايق مع خدمات أخرى. مثل «لايكى». وفيه مهاويس الجنس تتفرج على بنات قاعدة مبتعملش حاجة وتدلهم كوينات، ولما توصل للنشوة يعملوا حاجة اسمها برايفت ريكويست بمقابل عدد من الكوينات. البنات اللى بتدخل علشان تفتح لايف تكسب ٥ آلاف جنيه وتجيلها عروض كتير للبرايفت. وللأسف كسبانة وهى نايمة فى بيتها ٤٠ ألف دولار من غير ما تعمل أى حاجة.! وغدا نلتقى بإذن الله.
دعاء: اللهم احفظنا.