رامي جمال
رامي جمال


رامي جمال لمصابي البهاق: «انتوا مميزين»

أحمد السنوسي

الأحد، 27 يونيو 2021 - 01:37 م

 

نشر النجم رامى جمال فيديو على إنستجرام، يتحدث فيه عن مرض "البهاق"، الذي أصابه منذ فترة، موضحًا أنه يتلقى كل يوم اكثر من رسالة عن البهاق.

 

وقال فيه: "أنا مش بحب أتكلم في حاجة غير الفن، بس بتوصلني أسئلة كتير جدًا عن علاج البهاق، ودائمًا أرد عليهم في الرسائل الخاصة، أنا لم أعالج البهاق، ولكن أنا اتعالجت نفسيًا منه بدعمكم ليا".

 

وأضاف "عشان الناس اللي بتسالني وبتقولي البهاق فين وخفيت ازاي أنا عايز أقول إني مخفتش وأهو البهاق في ايدي أهو وجنب شفايفي وجنب عيني وفي كل جسمي، انا الأول لما كنت بشوف نقطه كنت براقبها وكنت بزعل أوي دلوقتي بحس إنها ميزه لإنها خلتني أشوف حب الناس ودعمهم ليا. 

 

واستكمل "الحاجه اللي بصور الفيديو عشانها اني عايز اقول لكل ام ابنها عنده بهاق هو معندهوش مشكله بس انتي لازم تربيه انه ولد عنده ميزه ربنا ميزه بيها والميزه دي حاولي تقنعي كل اللي حواليه بيها". 

 

وأوضح "انا مغني والشكل جزء من شغلي بس بسببكوا بقيت شايف إنها ميزه أنا لما كنت بصور بوستر البومي اللي هينزل المصور بتاعي بيقولي ايدك فيها حته باينه قولتله سيبها لانه ده مش عيب و اللي شايف ده عيب ميهمناش احنا يهمنا التلاته اربعه اللي حوالينا و بيحبونا. 

 

وأضاف "البنت اللي بتقول أنا عندي بهاق وداخله على خطوبه أوجواز وخايفه عريسي يسيبني أنا أهو بقولك متكمليش معاه لو مش قابلك لأنه مشاكل الدنيا أكبر بكتير من شوية ألوان في جسمك أنا بقولك متتجوزيهوش لأنك مميزة مفيش عندك مشكله وممكن اقولك انه بياض قلبك بأن على جسمك. 

 

وفي نهاية حديثة وجه لمصابي البهاق نصيحة قال فيها "حبوا نعم ربنا، الألوان دي انتوا مميزين بيها والله اللي عنده بها".

 

 
 
 
 
 
 
 
 
 
 
 
 
 
 
 

A post shared by Ramy Gamal (@ramygamalmusic)

 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة