الإثنين، 28 يونيو 2021 - 01:13 ص

علق الإعلامي عمرو أديب على فرحة جماهير الأهلي بخروج بيراميدز من بطولة الكونفيدرالية الأفريقية وركلة ترجيح تسببت في خسارة الفريق.

وقال أديب خلال برنامج «الحكاية» المذاع على قناة «إم بي سي مصر»: «في شماتة غير طبيعية من جمهور الأهلي لأن رمضان صبحي هو اللي ضيع ركلة الجزاء اللي خرجت بيراميدز؛ غالبية الجمهور شمتانين جدا أنه ضيع وشمتانين أن بيراميدز خرج من الكونفيدرالية».

وأضاف: «فين الروح الرياضية وايه المطلوب، الأهلي رايح يجيب العاشرة متنسوش بقي رمضان صبحي، الراجل ضيع ركلة جزاء وأكبر لاعبى العالم بيضيعو اية المشكلة؟».

وتابع: «المتابعة للماتش والأصوات في شوارع القاهرة كأن مصر كانت بتلعب وكسبت ايه السعادة يعني دي فرقة مصرية بتلعب برة وخرجت ودا لاعب مصري موهوب ضيع؛ وطبعا الكلام كله أحسن و يستاهل».

واختتم: «هو الراجل ده هيفضل طول حياته كدة لحد ما يبطل كورة؛ راجل ممكن تلاقيه في المنتخب هو حصل ايه يعني راح من فرقة فرقة».