الثلاثاء، 29 يونيو 2021 - 09:52 م

ماكانش فيه غير مصر ياناس
لما اتوجد للحب أساس
ما كانش فيه غير مصر عمار
لما الندى باس الأزهار
الحب لما اتسمى الحب
والنصر لما اتسمى النصر
واما النفوس حنت للرب
ماكانش فيه غير كلمة مصر
بالعقل غزلت احلى قلوب
فجر الضمير من مصر اطل
واتفتحت للحكمة دروب
ولولاها كان العالم ضل
ربك خلق ابنها فنان
شاف صنعته .. سماه انسان
الحب لما اتسمى الحب
والنصر لما اتسمى النصر
واما القلوب حنت للرب
ما كانش فيه غير كلمة مصر
احنا اللي عرّفنا الدنيا
معنى الزمن بدايات وخلود
و ف السنة او ف الثانية
عشنا لنور الحق جنود
النور هنا مَدّد وارتاح
والشمس غنت للفلاح
الحب لما اتسمى الحب
والنصر لما اتسمى النصر
واما النفوس حنت للرب
ما كانش فيه غير كلمة مصر