الإثنين، 05 يوليه 2021 - 11:34 م

كشفت أميرة مختار ابنة الفنانة الراحلة رجاء الجداوي، أنها أحيت اليوم، والذي يصادف الذكرى الأولى لرحيل الفنانة القديرة، بزيارة قبرها برفقة حفيدتها والمقربين والعائلة، ثم عادت لمنزلها غير مصدقة ماحدث حتى الآن، بحسب وصفها.

وتابعت في لقاء ببرنامج " كلمة أخيرة "، الذي تقدمه الإعلامية لميس الحديدي على شاشة " ON" في حلقة خاصة بمناسبة الذكرى الأولى لرحيل الفنانة القديرة رجاء الجداوي قائلة : "روحت البيت وقعدت شوية وأنا لسه مش متخيلة الي حصل، وبقول لنفسي معقولة الي بيحصل ده ؟ طول النهار تلقيت اتصالات من أقارب وجيران، والدنيا كلها مقلوبة على مرور السنة على وفاتها لأنها في حقيقة الأمر لم تغب".

وأكملت: "في أوقات كتير مابقاش مصدقة واققول يا مامي فات على موتك أربع شهور بس، والنهاردة قلت سنة كاملة راحت علي غيابك، وأنا مش مصدقة لأني دائماً بحس أنها موجودة في محبة الناس، وأن روحها بتحتضني وتحضتن محبيها".

وفاجئت الحديدي أميرة، بسؤال قائلة: "انتي شايلة شنطتها ولابسة عقدها؟ ، لتجيب أميرة مازحة: "ده عيب أنك صحبتنا فعارفة حاجتها كويس لابسة شنطتها وعقدها والجاكيت بتاعها.. ودي كانت هدية  ليها في عيد ميلادها في سبتمبر 2019، وقلتلنا وقتها ليه كده ياولاد تكلفوا نفسكم ؟، وهي كانت دائما بتتحايل عليا ألبس حاجتها  وتتخانق معايا عشان استخدمهم،  وكنت برفض وأققلها وقتها مش هينفع  نظهر إحنا الاثنين ولابسين حاجة بعض".