الأربعاء، 07 يوليه 2021 - 12:48 ص

نفت الفنانة نرمين الفقي، إقدامها على إجراء أية جراحات تجميل قائلة: عمري ماعملت خالص حواجبي بس كانت تقيلة زمان.

وتابعت الفنانة نرمين الفقي، في لقاء ببرنامج «كلمة أخيرة» على شاشة «ON»، أنا لست ضد التجميل لكن ضد المبالغة والعبث في الجبهة حتى لو قالوا فيها تجاعيد إزاي همثل ووشي متحجر؟! حاجات كتيرة اوي ماينفعش  تحصل.

لكنها عادت وقالت: فيه حاجات تجميل كتيرة ممكن تبقى مهمة زي واحدة تعرضت لحادثة وتسبب لها في مشكلة أو أن أنف أحدهم بها مشكلة هناك اشياء تستدعي إجراء التجميل لكني أرفض المبالغة وإننا كلنا نبقى شبه بعض.

وأضافت الفنانة نرمين الفقي، الراجل دلوقتى مش بيحب الست «لفيك» وده حقيقي لما بسمع اصدقائي في انتقادها لست مثلاً يقولوا دي عاملة كام عملية أو مكبرة ومصغرة لكن أحلى حاجة الطبيعية وأن الانسان لازم يرضى باللى ربنا كتبهوله.

 وحول شراهة الجيل الجديد في التجميل قالت: مشفتش ده بس ممكن أشوف واحدة حلوة أوي وكيوت وألاقيها عملت حاجة وبوظت شكلها ببقى نفسى أقولها ليه عملتي كده وانتي زي القمر.. عشان إيه؟.