الأربعاء، 07 يوليه 2021 - 05:52 م

قال الشيخ رمضان عبدالمعز، الداعية الإسلامي، إن سيدنا النبي محمد صلى الله عليه، أوصانا بالرأفة بأنفسنا أثناء الطاعة، مضيفا: "الدين يسر، تلاقي واحد يسمع خطبة عن أداء صلاة قيام الليل، يقول بس هصلي الليل يقوم يصلي ٣ ساعات، ورا بعض ويقعد عليها ٣ سنين، ليه كده واحدة واحدة أحب الأعمال أدومها، صلي ركعتين حتى كل يوم، قبل الفجر".

وتابع عبد المعز، خلال حلقة برنامج "لعلهم يفقهون"، المذاع على فضائية "dmc"، اليوم الأربعاء "الدين يسر، عاوز تصلي قيام الليل، وأنت تعبان، صلي وأنت قاعد، مش قادر على جنبك، بعينك، شوف رحمة ربنا بك، ترفق بنفسك عشان تستمتع وتتذوق العبادة، مينفعش تبقى تعبان وبتضغط على نفسك، يعني عاوز تدخل الحمام تقول أصلي قبل ما الوضوء يضيع، وتدخل تصلي وأنت تعبان ولا ترفق بنفسك، لا ادخل الحمام واتوضى وصلي، زي اللي يجي يصلي لما الأكل يتحط، لا كل وبعد كده صلي".

إقرأ أيضاً .. هل يجوز قيام الليل أو التهجد طوال العام؟.. المفتي يجيب