الخميس، 15 يوليه 2021 - 12:34 ص

كشف محمد رشاد، المعتدي عليه في قطار منوف، تفاصيل واقعة اعتداء كمسري قطار منوف عليه.

اقرا ايضا .. بينها تحصيل التذاكر.. 10 مهام لـ«كمسري» قطارات السكة الحديد

 وقال "رشاد"، خلال لقائه مع الإعلامي شريف عامر في برنامج "يحدث في مصر" المذاع علي فضائية "MBC مصر" اليوم الاربعاء : "كنت دافع تذكرة حتى الحامول، واتفاجأنا القطار آخره منوف، الناس قالت هننزل، ونركب القطار المقابل، ركبته محطة واحدة".

وتابع: "الكمسري بيقولي التذكرة بقوله اتفضل، قال ايه ده، هتطوق، قلت له أنا نازل المحطة الجاية هات 21 جنيه، أمين الشرطة زقني في وشي جامد".

وأكمل: "فيه ناس قالوا له إني نازل المحطة الجاية، وناس قالوا له خد الفلوس، رفض وقال هاخد منه، قفلت معاه على كده، وأنا نازل قال لي لا مش هتنزل، هحبسك وهسلمك".

واستطرد: "أنا نزلت محطة شنوان، أمين الشرطة نزل ورايا عاوز يطلعني القطار بالعافية، وروحت، تاني يوم لقيت الضجة على السوشيال ميديا".