الخميس، 15 يوليه 2021 - 12:23 م

هاجم الشاعر الغنائي ومطرب الراب خالد تاج الدين الفنانة حلا شيحة، بعد أن هاجمت الفنان تامر حسني وأعلنت تبرأها من فيلم وكليب «مش أنا».

ونشر خالد تاج الدين، عبر حسابه الخاص بموقع التواصل الاجتماعي «تويتر»: «ربنا يثبتك وتحلي عننا بقى ماهو مترجعيش تعملي شوية فلوس زي الفل وبعد كده تشتمي الفن وياريت تتخلصي من كل الفلوس اللي قبضتيها في السنتين اللي رجعتي مثلتي فيهم علينا».

إقرأ ايضًا | بعد هجومها على تامر حسنى.. «حلا شيحة» تغلق تعليقات «الانستجرام»

يذكر أن حلا شيحة قامت بمهاجمة الفنان تامر حسني وأبدت غضبها من طرح تامر حسني لكليب من فيلمهما الأخير «مش أنا».

ووجهت حلا رسالة قوية إلى تامر قائلة: «أنا اتفاجئت جدًا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصًا بعد آخر بوست نزلته ووضحت فيه أنا إيه، اتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات وأكدلي إنه حيحترم رغبتي».

وأضافت: «إحنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح، أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسى».

وقررت الفنانة حلا شيحة إغلاق خاصية التعليقات عبر حسابها الشخصي بموقع التواصل الاجتماعي «إنستجرام»، وذلك بعد الهجوم الذي تعرضت له بعد إعلان توبتها وهجومها على تامر حسني. 

ربنا يثبتك وتحلي عننا بقى ماهو مترجعيش تعملي شوية فلوس زي الفل وبعد كده تشتمي الفن وياريت تتخلصي من كل الفلوس اللي قبضتيها في السنتين اللي رجعتي "مثلتي" فيهم علينا

— Khaled Tag ElDeen (@KhaledTagEldeen) July 15, 2021