الخميس، 15 يوليه 2021 - 12:53 م

هاجم المخرج ماندو العدل، صباح اليوم، الفنانة حلا شيحة، بعد أن هاجمت الفنان تامر حسني وتبرأها من فيلم وكليب "مش أنا" ودعته للتوبة.

وكتب ماندو العدل، عبر حسابه الرسمي على موقع التواصل الاجتماعي "فيسبوك": "ياريت بس لما تطلقي مترجعيش تقولي عايزة أمثل تاني يا أستاذة حلا".

وكانت فجرت الفنانة حلا شيحة مفاجأة من العيار الثقيل، وأبدت غضبها من طرح الفنان تامر حسني لكليب من فيلمهما الأخير «مش أنا».

ووجهت حلا رسالة قوية إلى تامر قائلة "أنا اتفاجئت جدا ًبنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه أنا إيه، اتفاجئت أكتر خصوصا ًبعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات و أكدلي إنه حيحترم رغبتي".

وأضافت" احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، أنا عارفة ومتاكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا و أنا عيطت لاني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل و بننسى"

وقررت حلا شيحة، إغلاق خاصية التعليقات عبر حسابها الشخصي بموقع التواصل الاجتماعي "انستجرام"، وذلك بعد الهجوم الذي تعرضت له بعد إعلان توبتها وهجومها على تامر حسني.