الخميس، 15 يوليه 2021 - 12:59 م

علّق المنتج محمد العدل على التصريحات النارية التي قالتها الفنانة حلا شيحة صباح اليوم الخميس، بعد هجومها على الفنان تامر حسني وتبرأها من فيلمهما الأخير «مش أنا» وطلبت منه التوبة. 

ونشر «العدل» علي صفحته الشخصية بموقع التواصل الاجتماعي فيس بوك: «بلاش موبايل من أصله، إذا دخل الزواج من الباب، ارمي الموبايل من الشباك»، ساخرًا من أسلوب حلا شيحة من اعتزالها الفن بعد الزواج، وعودتها مجددًا بعد الانفصال.

وكانت الفنانة حلا شيحة قد فجرت مفاجأة من العيار الثقيل، وأبدت غضبها من طرح الفنان تامر حسني لكليب من  فيلمهما الأخير «مش أنا».

ووجهت حلا رسالة قوية إلى تامر قائلة: «أنا اتفاجئت جدًا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصًا بعد آخر بوست نزلته ووضحت فيه أنا إيه، اتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي و بعض الطلبات اللي طلبتها منه بكل احترام وود الصيف اللي فات و أكدلي إنه حيحترم رغبتي».

وأضافت: «إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسى».