الخميس، 15 يوليه 2021 - 03:50 م

علق استشاري الصحة النفسية وتعديل السلوك، الدكتور محمد هاني، على واقعة الفنانة حلا شيحة، وهجومها على الفنان تامر حسني لنشره كليب فيلمهما الجديد «مش أنا».

وقال الدكتور محمد هاني، إن أصحاب الشخصية المزدوجة من يعانون من اضطراب نفسي، وبسبب ذلك يمكنهم الظهور بأكثر من شخصية ومن أهم صفات الشخصية المزدوجة هو عمل أفعال متناقضة مع بعضها البعض.

وأكد خلال تصريحه، أن ذلك يحدث نتيجة التعرض للصدمات النفسية مثال قيام شخص عزيز بإيذاء هذا الإنسان سواء كان إيذاء نفسي أو جسدي، محذرا من الضغوط النفسية والتراكمات.

واشتعلت مواقع التواصل الاجتماعي بعد أن وجهت "حلا" رسالة قوية إلى تامر نصها: "أنا اتفاجئت جدا ًبنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه أنا إيه، اتفاجئت اكتر خصوصا ًبعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات وأكدلي إنه حيحترم رغبتي".

وأضافت: "احنا يمكن نجحنا بمقايس الدنيا بس صدقوني بمقايس ربنا احنا لم ولن ننجح، أنا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة إننا بنغفل وبننسى".

واستكملت: "أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة أن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا".

وأكدت: "أن الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه أنا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك وجوانا كلنا".

وفي كلامها للفنان تامر حسني، قالت: "شوفه تاني يمكن يفكرك أن جواك أكيد في صراع، كلنا بنغلط بس المهم في الآخر نتدارك الغلط ونصلح".

واستشهدت بقوله تعالى {إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤئكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}،مضيفة: "الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".

وكانت الفنانة حلا شيحة، قد أعلنت اعتزالها مسبقا بعد فترة من ارتدائها الحجاب ثم ظهرت بعد سنوات متخلية عنه، وعادت إلى الفن بالعديد من الأعمال ثم قررت الابتعاد عن الساحة بعد زواجها من الداعية معز مسعود.

اقرأ أيضا| إلهام شاهين: حلا شيحة ليس لديها انتماء للفن