السبت، 17 يوليه 2021 - 02:58 م

هاجمت شيرين بكر، مديرة أعمال الفنان تامر شلتوت، الإعلامية مي حلمي، بعد التصريحات الأخيرة حول شائعات ارتباطهما ونفي الاثنين تلك الشائعات ثم هجوم مي على تامر واتهامه بانه يسعى لركوب الترند، حيث أشارت شيرين إلى أن مي هي من تستخدم هذه الأخبار حتى تصنع الترند لنفسها.

وقالت شيرين في تصريح صحفي: "شافوا بعض بالصدفة وأول ما شافها معرفهاش، وعندنا صفحتنا كبيرة ومش محتاج أي نوع من أنواع الترند، إحنا كل حلقة عندنا ترند، فمش محتاج دعايا من النوع هذا".

وتابعت: "واحنا منعرفش مين مي حلمي علشان نهتم بأخبارها، وترند إيه اللي إحنا بنركبه، إحنا عندنا ضغط شغل كتير ومش فاضين، واتفاجأنا بالأخبار المنتشرة بارتباط تامر شلتوت بمي، وبناءً عليه نزلنا توضيح على صفحاتنا".

وأضافت: "تامر نزل الصورة دي مجاملة ليها، وفريق السوشيال هو اللي بيعلق على المنشورات، وهي نزلت صورتها بالدبلة في الطيارة، بعد ما تامر نزل الصورة".

واستكملت حديثها قائلة: "ده ولد محترم ومتدين تجريه للعك ده ليه، بتغيظي طليقك ولا بتعملي أي أفلام علشان تركبي ترند، ليه نزلتي صورتك بالخاتم بعد الصورة بتاعته؟، هي بتكمل الفيلم اللي عملاه، وعملت قصة من لا قصة".

واختتمت حديثها قائلة: "تامر بيخشى أي كلمة غلط، وبيقولي بلاش نرد وبلاش نجرحها ومفيش رد تاني خلاص في الموضوع ده اتقفل بالنسبة لنا".