الأحد، 18 يوليه 2021 - 11:37 م

قال شريف، والد مهاجم النادي الأهلي محمد شريف، إنه لم يكن يريد أن ينتقل إلى الزمالك على الرغم من انتماءه إلى القلعة البيضاء، مشيرا إلى أنه أصبح أهلاويا بعد انتقال محمد إلى النادي الأهلي.

وأوضح خلال تصريحات مع الإعلامية لميس الحديدي عبر قناة «ON E»: «والدته كانت عاوزاه أفضل واحد وكانت بتقولي دائمًا هتبوظ محمد عشان الكورة.. لدي ثلاثة أبناء أصغرهم عمار مواليد 2010 في الجونة الآن ويحب كرة القدم».

ومازح محمد شريف والده قائلاً: «بابا بيقلي عمار هيطلع لعيب جامد بس أنا مش مقتنع»، ليرد والده: «أتوقع إن شاء الله يبقى لاعب كويس».

وأوضح والد محمد شريف: «رغم أني زملكاوي بس مكنتش مستريح أن يروح الزمالك وكنت عايزه ينتقل إلى الاهلي.. وأصبحت أهلاوي بعد ما انضم إلى الأهلي».

ومن جانبها، قالت والدة محمد شريف: «هو الكبير ومعزته كبيرة في قلبي، ومكنتش عايزاه يلعب كورة ويركز في دراسته، وكنت عايزاه حاجة كبيرة في التعليم.. والده كان بيمرنه من هو صغير ويقول ربنا رزقه بموهبة الكورة وبيلعب برجليه الإتنين والحمد لله هو كويس وابن حلال وربنا كرمه، وبدعيله كل وقت».

وأضافت: «محمد لازم يكلمني قبل الماتش ولو مكلمنش مبيجيبش اجوان ويخسر وبحلم باللى بيحصل قبل الماتش، وربنا ينصره والأهلي يكسب الدوري، والفرحة فرحتين بالمولود الجديد شريف وفوز الأهلي ببطولة افريقيا، وربنا يكرمه وأشوفه زي محمد صلاح ويحفظه».