الجمعة، 23 يوليه 2021 - 03:47 م

كشفت بسنت حميدة بطلة مصر في ألعاب القوى عن غيابها رسميا عن المشاركة في دورة الألعاب الأولمبية المقامة حالياً في طوكيو 2020.

وغابت حميدة عن بعثة مصر المشاركة في الأولمبياد بعد تعرضها للإصابة قبل أيام قليلة من إنطلاق المنافسات.

وكتبت بسنت على صفحتها الرسمية بموقع التواصل الاجتماعي "فيسبوك ": "صحيح الأزمة اللي مريت بيها كانت كبيرة وصعبة بس من نعمت ربنا عليا وجود ناس جنبي بتحبني وبتخاف عليا بالشكل اللي شوفتو كمية الناس اللي بعتتلي رسايل محفزة جدا ليا وكتبتلي كومنت ونزلتلي ستوري وكلمتني ودعتلي عمري م كنت اتخيلها أبداً ولا أتصور أن ممكن يكون في ناس كتير كدا حوليا بتحبني من قلبها بجد.

وأضافت: «أنا أسفه جدا أعذروني إني مقدرتش ارد علي كلامكم و رسايلكم العظيمة ليا بس انا الفترة اللي فاتت كنت غير مُتزنة نفسياً ويمكن دي من أصعب الفترات اللي ممكن تمر عليا ف حياتي بس الحمد لله على كل شيء».

وأشارت : أؤمن تماما أنها البداية في مشواري الرياضي وليست النهايه بالرغم من صعوبة الموقف وعدم قدرتي الأن علي تخطيه ولكن ربنا كريم جداً.. التأهل الأولمبي لطوكيو كان نعمة عظيمة و أيضاً الإصابة المفاجأة وعدم القدرة على المشاركة فآخر وقت نعمة كبيرة من الله حتي وإن كُنت لا أراها الآن، فرب الخير لا يأتي إلا بالخير الحمد لله دائما وابداً، سعيدة وفخورة بكل خطوة فرحلة التأهيل الأولمبي حتي وإن لم تكتمل في مرحلتها الأخيرة ولكن السعادة متعتها ف الرحلة وليست فقط فالوصول.

وقالت :" شكراً مدربي العظيم على مساندتك ودعمك ليا طول الطريق فالوقت الصعب قبل وقت النجاح، شكرًا للاتحاد المصري لألعاب القوي على المجهود المبذول والدعم الكامل طول الوقت، شكرا لأهلي وأصحابي وكل الناس اللي حتي معرفهاش اللي وقفت جمبي الفترة اللي فاتت كلها وشجعتني وبعتتلي كلام من أعظم ما يكون بجد كلامكم فرق معايا جدا أنتم أكبر نعمة ف حياتي انا ممتنة ليكم جداً وبحبكم أوي، دعواتكم بالتوفيق فيما هو قادم بإذن الله شكراً."

طوكيو 2020| «ميدو» ينتقد زي بطلات مصر في حفل الإفتتاح