الأحد، 25 يوليه 2021 - 12:17 ص

تحدث أحمد كشري المدير الفني لفريق الإنتاج الحربي عن المواجهة المنتظرة أمام النادي الأهلي مساء الأحد في بطولة الدوري.

وقال "كشري" في تصريحات لبرنامج "الماتش" الذي يقدمه الإعلامي هاني حتحوت عبر شاشة "صدى البلد": "مباراة الغد من المباريات اللي نتمنى التوفيق فيها".

وتابع: "بعض الفرق مش بتحط حسابات في مباريات الأهلي، لكن احنا مالناش خيارات غير الـ 3 نقط علشان موقفنا الصعب في جدول الدوري".

وواصل: "تحدثت مع اللعيبة قولتلهم ضيعنا نقط كتير في مباريات نقدر نفوز فيها بنقط أكتر، موقفنا صعب وعاوزين نحسن الترتيب، المباريات اللي فاتت كنت في قمة مستوايا والفريق دخل في الفورمة، فترة الابتعاد عن المباريات دي مش في صالح الفريق، كنت أتمنى استمرار اللعب".

وأضاف كشري: "عندي إصابات وغيابات فنية زي محمد طلت، كل العناصر اللي معانا عندها إصرار ومميزين وعاوزين الفوز، نتمنى نكون في حالتنا بكرة وهنلعب".

واختتم تصريحاته: "اتعودنا نكسب حتى لو هنلاعب بعض، مينفعش نتهاون، الموضوع سمعة، مع الترسانة واجهت الأهلي في الكأس اتقدمت عليه مرتين وخسرنا في آخر المباراة هنلعب بشرف، لو اللعيبة في حالتها هنعمل نتيجة كويسة".