الإثنين، 02 أغسطس 2021 - 09:25 م

كشف الإعلامي تامر أمين، السبب الأساسي لخسارة المنتخب المصري أمام منتخب البرازيل في أولمبياد طوكيو 2020.

وقال "أمين"، خلال تقديمه برنامج "آخر النهار"، المُذاع عبر فضائية "النهار": "أنا في رأيي السبب هو رمضان صبحي وهو مرتدي شارة الكابتن"، مردفا: "من وجهة نظري أن ارتداء رمضان صبحي لشارة الكابتن في مباراة البرازيل جريمة لأنه مخالف لكل الأعراف والمنطق والأخلاق".

وأضاف: "رمضان صبحي هو السبب في الخسارة وأول لما شوفته قولت خربت والفرقة مش هتشوف خير لأن ما بني على باطل فهو باطل"، متابعا: "اللي حصل ينفع في القهوة مينفعش في بعثة منتخب تلعب في بطولة عالمية، المفروض يكون فيه سيستم وانضباط".

وأشار: "مينفعش يكون في الملعب حجازي ومحمد الشناوي والونش ويكون رمضان صبحي هو اللي لابس شارة الكابتن ويتمخطر بيها وسط اللاعيبة"، لافتا: "إزاي يكون فيه لاعيبة كبيرة في الملعب والكابتن بتاعهم رمضان صبحي، لأن المفروض أما يحصل مشكلة في الملعب اللي يوجه اللاعيبة اللي عنده خبرة مش رمضان صبحي".