إذا أردت أن تصبح طيشة افعل مثل حزب الوفد، وشوف الناس بيعملوا إيه واعمل زيهم، حتى لو لم تناسبك أفعالهم، وشوفهم بيلبسوا إيه والبس زيهم، حتى لو لبست البنطلون مكان الجاكتة، بس المهم أنك تعترض الأول وبعد كده تعمل زيهم، يعنى مثلا لو عملوا ائتلاف دعم الدولة المصرية، اعترض عليه وارفض المشاركة فيه، وبعد كده على طول اعمل إئتلاف الأمة المصرية، وتفضل كده رايح جاى طول الوقت ومش عارف تقف ولا تقعد، خليك مهزوز على طول، وبكده يصبح وجودك زى عدمه، ولما تزعق محدش يسمعك، ولما تموت محدش يحس أنك مت، وهكذا يصبح موتك زى حياتك، لأنك طيشة وهتفضل طيشة.