عبد الفتاح طارق
عبد الفتاح طارق


عبد الفتاح طارق يكتب.. المنايفة ناس كرام

بوابة أخبار اليوم

الخميس، 12 أغسطس 2021 - 06:10 م

 


قالولى ساكن فين ؟
انا قولت فى المنوفية
بلد الكرم والاصالة ورئاسة الجمهورية

بلد كلها خير وأيد ولادها عفيه
وبفضل جهد ولادها اهى وصلت العالمية

من شبين الكوم نقوم
خيرها زايد كل يوم
فيها جامعة من تاريخها
 ايدها بتطول النجوم
 
وفى قويسنا كان عريسنا
ضحى علشان اسم بلده
لما كان فى سيناء حارسنا
مات شهيد واهو ده فارسنا
 
فى الباجور كل السرور
 يكرموا كل الحضور
عمرهم ما يقولوا عيبة
يكرموا الضيف بالشهور
 
وفى منوف.. يلا بينا طوف وشوف
أهلها فرسان شداد
يغلبوا كل الظروف
عزمهم ما يهزوا خوف

الشهداء فيها كام شهيد
عزمهم زي الحديد
من مرؤة كل ناسها
كل يوم بتشوف جديد

فى السادات.. روح وهات
المصانع والمزارع
صوتها ولا عزف النيات
ايد بتعرق ايد بتعزق من سكات

وفى تلا.. زاد الهنا
أهلها زي الصعايدة
معروفين فيها بكرمهم
لو تروح مرة تزورهم عمرك ما تحس بضنا

بركة السبع المنارة
ع الزراعى دى فنارة
ترشد الحاير في ليله
أهلها أهل الجسارة

لو تشوف أشمون تسلم
عمرها دايما تعلم
اهل فن وذوق ونخوة
والكرم فيهم معلم
 
المنايفة ناس كرام
معروفين قوي بالسلام
زينوا بقى جيش بلدهم
يضربوا تعظيم سلام

 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة