الأربعاء، 18 أغسطس 2021 - 05:40 م

كلكم عارفين موقفى من قضايا الستات وأن الست ست مهما وصلت أعلى المناصب فهى فى النهاية ست، وكثير من الستات يتهمنى بالتحيز للرجل، لكن عودة الفنانة شيريهان بعد غياب لأكثر من 20 سنة، وتجسيدها لشخصية كوكو شانيل صاحبة أشهر الماركات العالمية فى عالم الموضة والأزياء-فى مسرحية تحمل اسمها، وصلنى منها رسائل عديدة جعلنى أقف أمامها واشاركها معكم.
كلمات الفنانة شريهان فى إحدى المشاهد بقولها:» حلم مصداقاه ووعدت نفسى أحققه» رسالة على الإصرار والثبات والإرادة والثقة بالنفس والحب ، وأشعر أن الفنانة شريهان صادقة فى تجسيد الدور بنجاح قوى لأنه يعبر عن جزء من قصتها، فهذه العبارة هى ذاتها قريبة المعنى أيضا مما قالته كوكو شانيل « حياتى لم تكن ترضينى، لذلك خلقت حياتي» فهى كلها دعوات لخلق الحياة والسعادة من جوف الحزن.. وده يخلينى أقول لكل ست ولكل رجل خليكم أقوية مفيش مستحيل، السعادة مش نجاحك ولا نجاحك المهنى فقط، دى سعادة كدابة السعادة فى القلب اللى بيودى لسعادة مهنية وشخصية ويارب تفهموا.. حتى الفنانة شريهان التى مرت بتحدى كبير قالت فى إحدى بوستاتها : «أحياناً كثيرة، كنت أُصَنِع بداخلى هدفاً كاذباً لأكسر به وأخترق بعض الصعاب والتى فى وقتها كان يراها كل من حولى انها مستحيل، وبعد اجتيازها كنت أعود مرة أخرى إلى هدفى الأصل والأساسى وأصر على تحقيقه رغم أن كل شيء حولى يقول إنه لا يمكن ومستحيل ولكنى كنت أقول «لا» لا يوجد مستحيل، هذا إن أراد الإنسان، بالأمل والإرادة والمثابرة، مفيش مستحيل، بين حين وحين أغتسل بالأمل وأتطهر بالتسامح والحب».. حقيقى مفيش مستحيل واللى يقول أن النجاح المهنى منفصل عن الحب، هسأله طاب أنت ولا إنتى بتحبوا شغلكوا ليه ونجحتوا فيه ليه أقولكم أنا ليه عشان حبتوه، وده اللى قالته الفنانة شريهان لما ظهرت داخل القفص فى محكمة فى المسرحية وقالت:» لما حبيت حبيت الإنسان من غير جنسية ومن غير حدود باللغات والألقاب شافنى من جو...شاف الإنسانة اللى محدش سمح لها تكون ... حبنا مجرد من أى مصالح واستغلال ... ... سيادة القاضى آه حبيت، للأسف حبيت، اللى بيتحكم فى الحب القلب، واللى بيتحكم فى القلب الحب، تقدر تمنع نسمة صيف.. تقدر تمنع موج البحر .. لو تقدر امنعنى أحب» رسالة قوية و الفنانة شريهان رغم أنها كانت زوجة ثانية ورغم التحديات الصحية والفنيةالا أنها أصرت على الحب والخير
كل حاجة حلوة فى الدنيا أساسها الحب والإيمان، ورسالة لكل ست ولكل رجل حبوا وفى الحب قدوة.