الأربعاء، 25 أغسطس 2021 - 05:57 م

شوفت الراجل.. شوفت الست
حتّة عيل.. حتّة بنت
ناس عارفه عنك كل حاجه
 اكتر حتى ما أنت عارف
بجد تباً للمعارف

قفزة ثقه ونطّوا ف دماغك
حققوا ف تفاصيل تخصّك
حتّى مستنوش بلاغك 

رغم إن هى راضيه 
وهو برضو بحاله راضى
الكل قاعد يفتى كله نصّب نفسه قاضى 
دول ناس بجد متستاهلش 
غير لفظ اعتراضى

تدخل حياة الناس وتاخد جوله للسياحه
يفتوا  ف حاجات متخصهومش
مجسّم للبجاحه

ليه كل علاقه خاصه بقت قضية رأى عام
لناس عقولها ناقصه ميتعبوش من الكلام