الثلاثاء، 07 سبتمبر 2021 - 11:57 ص

قال الرئيس عبدالفتاح السيسى، :"لو فيه فساد عاوزين تواجهوه بجد  في مصر .. مش هيتواجه غير بالميكنة وإن البشر لا يتعامل غير مع مكن سواء كان المواطن أو الموظف" مضيفا : "مفيش اتصال مباشر مع الموضوع.. النظام ده موجود فى العالم مندخلوش عندنا ليه".

اقرا ايضا .. الرئيس السيسي: تكلفة تطوير ميناء الإسكندرية البحري 30 مليار جنيه

 وأضاف "الرئيس السيسى"  خلال تفقد تطوير ميناء الإسكندرية البحرى اليوم الثلاثاء: "خلوا بالكم دولة زى مصر فيها 100 مليون حجم العمل فى مصر لو مميكن ميكنة كاملة كتير من الحاجات اللى بتعانوا منها وبتشوفوها مش هاتبقى موجودة ".

وتابع: "اديله الموافقة على الشحنة قبل ما تيجى على الميناء، والبضاعة قبل ما تتشحن من البلد المصدر ومش هديله موافقة ومش هتنزل الميناء وده هايبقى إجراء قد تجدوه صعب  الدنيا كلها بتعملها احنا مش هانبقا عجبة، احنا بنعمل اللى غيرنا سبقنا فيه، وبنحاول نحصله علشان نسهل على الناس ونضمن إن الحاجات اللى بتخش بلدنا طبقا للمعايير، ولو فيه حاجة فيها مخاطر زى المخدرات، وكل ما هنسيطر على حركة دخول المنافذ بشكل كامل هنقدر نحقق ونشوف زى ما الدول المتقدمة بتعمل".

 وبعث "الرئيس عبد الفتاح السيسي" برسالة طمائنينة، للمستوردين بخصوص الإجراءات الجديدة والتي سوف تطبق بداية من مارس 2022، قائلا: "بقول للمستورد مش هغلبك معايا ومش هيحصل الكلام اللى كان قبل كدة.. المنظومة المالية طورناها بالمكينة الكاملة وحجم المليارات التى أنفقت في هذا الأمر، وقلت للدولة منذ 4 سنوات لو تقدروا تعملوا ميكنة لكل الأنشطة علشان نحيد العمل البشرى وإجراءاته ، ولو عاوزين 100 مليار جنيه حد يقولى تدفع 100 مليار في ميكنة".

وأكمل " الرئيس السيسي " :" المستورد خاطب الشركة ، والشركة خاطبت الجمارك، ولو تم الموافقة نحدد الأسعار بتاعها ونسب كبيرة جدا منها حتى لن يتم الكشف عنها مع منظومة الاكس راي ، ويبقا فيه انتقاء عشوائى للبعض..ذهبت منذ 5 سنوات الى دولة سنغافورة لقيت الطقم اللى مشغل الميناء 8 افراد ورايحين لده ان شاء الله..بنعمل الإجراءات دى علشان نعمل حاجة فيها انضباط وشفافية كبيرة جدا..الخطوة اللى هنخدها قدام لا فيها وقوف ولا رجوع".